rKTs

e-texts navigator

Volume

Page

290b₁ dge ba/ tha mar dge ba/ don bzang po/ rgyud kyi 'brel ba/ don gyi bkod pa/ rtags kyi rol pa/ ye shes rngam pa glog gi 'khor los rnam par bsgyings pa gzhung chen po 'di ngas bshad par bya yi skal ba dang ldan pa
290b₂ rnams gsang sngags kyi don zab mo ni thos par dka' na thos nas de'i don la gnas par dka' ste phal gyi thun mong du ma gyur pa'o/ /'phags pa rgyud kyi rgyal bo ye shes rngam pa glog gi 'khor lo'i mdo zhes bya ba las sngags kyi
290b₃ mdo bstan pa'i le'u ste gsum pa'o/ / // de nas bcom ldan 'das gsang ba mchog gi bdag po de snying po byang chub la nges par 'grel pa zhes bya ba'i ting nge 'dzin la snyoms par zhugs so/ /zhugs nas yang 'dus pa'i
290b₄ 'khor tshogs la bka' stsal to/ /rigs kyi bu rnams chos thams cad ni byang chub sems su 'dus shing byang chub kyi sems nyid snang ba shes par gyis shig /de ci'i phyir zhe na/ chos thams cad ni lus dang ngag dang sems su
290b₅ 'dus la/ lus dang ngag dang sems nyid chos thams cad kyi rnam par snang ngo / /'dus pa'i 'khor tshogs rnams kyis stsol pa/ lus dang ngag dang sems bdag cag rnams kyis ji ltar blta bar bgyi/ gsang ba mchog
290b₆ gi bdag pos bka' stsal pa/ rigs kyi bu rnams lus dang ngag dang sems kyi mtshan nyid ni sems kyang lus dang ngag gi rnam pa lta bu/ ngag kyang lus dang sems kyi rnam pa lta bu/ lus kyang tshig tu brjod pa dang sems
290b₇ kyi rnam pa lta bur rang rang gi lus dang ngag dang sems rtogs shig / 'on tang byang chub tu sems bskyed par 'gyur ro/ /de nas yang gsang ba mchog gi bdag po des stong pa nyid kyi ting nge 'dzin zhes bya ba la snyoms
290b₈ par zhugs nas byang chub kyi sems 'di gsungs so/ /e ma'o dngos po thams cad dang bral ba/ /phung po khams dang skye mched dang / gzung dang 'dzin pa rnam par spangs/ /chos bdag med pa mnyam nyid pas/ /rang

_{iiif viewer powered by OpenSeadragon}

290a - 291a

Texts on this page