| e-texts navigator |
| བོད་ཡིག |
289b1 nge 'dzin dang / yo byad la brten nas 'byung yang dmigs pa dang bral lo/ /dri za'i grong khyer zhes bya ba'i mtshan nyid ni bar snang na dri za gang na gnas pa der grong khyer yang de na gnas te de byung ma thag tu rtag pa ma yin pa dang gsang sngags
289b2 kyi gnas kyang rnal 'byor pa bdag nyid kyis kyang bskyed par 'byung la/ de yang ther zug ma yin no/ /brag cha zhes bya ba'i mtshan nyid ni brag gi ngos la sgra ji skad rkyen pa skad brag cha la yang de bzhin du 'byung ngo / /'byung yang sgrar
289b3 mi dmigs pa de bzhin du gsang sngags bzlas pa'i sgra yang bzlas pa tsam nyid na stong pa'o/ /chu zla zhes bya ba'i mtshan nyid ni zla ba'i gzugs brnyan chu'i nang du snang yang chu la zla ba med do/ /de bzhin du phyag rgya'i dkyil 'khor
289b4 la yang gzung 'dzin gyi rtog pa med do/ /chu'i chu bur zhes bya ba'i mtshan nyid ni chu'i rlabs chen gcig las chu bur mang du 'byung zhing slar yang 'du ba de bzhin du rnal 'byor pa'i ting nge 'dzin gyi rnam pa yang gcig tu ma chad do/ /
289b5 mig 'khrul pa zhes bya ba'i mtshan nyid ni mi mig nad can gyis bar snang la bltas na zla ba gnyis su snang yang zla ba la gnyis su gyur pa med do/ /de bzhin du gsang sngags kyi lta ba yang 'dzin rtog gi lta ba cir rnam par rtog pa rnam
289b6 mang yongs su grub par yongs su mi lta'o/ /mgal me bskor ba zhes bya ba'i mtshan nyid ni gang dag lag na mgal me thogs nas bskor na dbyibs kyi rnam pa ji ltar yang snang ste/ de la dbyibs med do/ /de bzhin du rnal 'byor
289b7 pa'i sems kyi cho 'phrul cir yang snang zhing 'byung la dngos por ma grub pa'o/ /smra ba'i seng ge de ltar na gsang sngags kyi spyod pa ni de ltar shes par bya'o/ /smra ba'i seng ge de lta bas na rnal 'byor pas yang dag par kun rdzob kyi
289b8 bden pa la brten nas don dam pa'i bden pa khong du chud par bya'o/ /'phags pa rgyud gyi rgyal po ye shes rngam pa glog gi 'khor lo'i mdo zhes bya ba las ting nge 'dzin gyi rim par phye ba'i sgo nas gleng bslang ba dang /
iiif viewer powered by OpenSeadragon
Texts on this page
J748 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo