| e-texts navigator |
| བོད་ཡིག |
285a1 rnam par 'dor pa'i rol pa'i gar gyis nam mkha'i khams kun tu khyab par mdzad do/ /rnam par rol pa nges 'byung ba dang / 'byung ba las gyur pa thams cad la khyab par mdzad do/ /des sems
285a2 dang / sems las byung ba kun la khyab par mdzad pas bcom ldan 'das kyi byang chub kyi sems zhi zhing 'khyil pas rol pa'i char mngon par phab pas snod kyi khams dang / bcud kyi khams dang / bsam gtan
285a3 dang / 'gog pa pa dang / sa'i khyad par thams cad dang / byang chub kyi rol pa sna tshogs sgreg pa dang / steg pa dang / sbyor ba dang / 'khyud pa dang / sdom pa dang / bstim pa dang / mnyes pa dang /
285a4 gsol ba dang / myang ba dang / bca' ba dang / bde ba dang / sprod pa dang / 'jog pa la sogs pa bcom ldan 'das kun tu bzang po'i rdo rje 'dzin gyis kun tu rgyas par byas te yang dag par gnas so/ /
285a5 de nas de'i tshe thugs rnam par dag pa'i mkha' klong nas rig pa byang chub kyi sems kyi 'od zer brjod kyis mi lang ba 'byam klas pa shar ba de las gsung gi yig 'bru 'khor lo'i tshogs su yang snang ngo / /yig 'bru de nyid
285a6 thugs phyag mtshan du yang gyur/ thugs dam tshig gi phyag rgya 'od du 'phros shing rnam par 'du ba'i tshul gyis rnal 'byor gyi dbang phyug gi 'khor rgyal ba yab yum dang / sems dpa' dang / sems ma dang /
285a7 thub pa dang / 'joms pa dang / 'joms ma rnams kyis skur yang rang rang gi dam tshig gi phyag rgya las snang bar byas te gsang ba mchog gi bdag po la mdun gyis bltas nas rdo rje gsang ba'i gral du 'khod de/
285a8 de ltar re re la'ang sangs rgyas kyi 'khor zhabs 'bring dang bcas pa 'byam klas pa/ nam mkha'i dbyings kyi mtha' klas pa lhun gyis grub bo/ /yang 'od zer de dag re re las he ru ka mang po'i tshogs kyang shar to/ /
iiif viewer powered by OpenSeadragon
Texts on this page
J748 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo