rKTs

e-texts navigator

Volume

Page

210a₁ sngags bzlas pa mnos pa ni/ /grong dang grong khyer khyim dang gtsug lag khang / /mchod rten bsti gnas ri dang dka' thub gnas/ /kun dga' lu ma'am rdzing bur 'gro mi bya/ /sngar bshad pa yi gnas rnams
210a₂ ma rnyed na/ /lha khang stong pa dag gam shing drung ngam/ /ri dang chu bo chu klung 'bab chu dang / /nags tshal stong pa dang ni yul stong dang / /gnas gang rung bar sngags pas gnas shing bzlas/ /yang na gnas ni nges par ma byas na/ /
210a₃ zla ba brgyad po 'di yi dus dag tu/ /gnas 'di gang yang rung ba zhig tu bsten/ /mtsho dang shing dang ri bo'am dgon pa'i gnas/ /mtshe'u dang khang pa gnas sam chu ngogs su/ /dgun dpyid zla ba rnams la gnas byas nas/ /
210a₄ sngags pas dbyar ni gcig tu gnas byas te/ /ci ltar rgyal bas dge slong dbyar zla gsum/ /tshul zhugs gnas gzhan mi 'gror gsungs pa bzhin/ /de bzhin bcom ldan 'das kyis bsngags pa yang / /zla ba gsum du
210a₅ gcig tu gnas par gsungs/ /sngags pas dbyar ni bsgrub la mi 'jug par/ /bzlas brjod kyis ni dus kyang 'das par bya/ /dbyar 'das dang ni gsang sngags gzi bskyed pas/ /bdag nyid bsrung byas bsgrub la 'jug
210a₆ par bya/ /me thab zlum po gru gsum gru bzhi dang / /pad+ma lta bur bya zhing dbyibs legs shing / /'jam zhing shin tu mnyam par byas nas su/ /de dag sa dang lci bas legs par byug /zlum po dbang thang bskyed dang nor dgug dang / /
210a₇ spyan drang zhi ba'i cho ga bya bar shis/ /gru gsum du ni dgar bskrad bsad pa dang / /gshed byed la sogs drag po'i las kyang bya/ /gru bzhi par ni klu dang gsang ba pa'i/ /srog bskam pa 'am yan lag gzhig par bya/ /
210a₈ pad+ma'i dbyibs su bud med bu mo'i grong / /yul 'khor 'thob pa'am don kun bsgrub par shis/ /me thab lci ba gtsang mas byugs nas kyang / /tha ma thog tog ku sha dgram par bya/ /dkon mchog gsum dang phyag na

_{iiif viewer powered by OpenSeadragon}

209b - 210b

Texts on this page