| e-texts navigator |
| བོད་ཡིག |
209b1 sngags pa yun ring nyon mongs mi 'gyur ro/ /'phags pa dpung bzang gis zhus pa'i le'u bdun pa'o// // sangs rgyas kyis gsungs yan lag brgyad lam ni/ /yang dag 'tsho dang las mtha' ting 'dzin dag /
209b2 rtsol dang rtog dang dran dang lta ba rnams/ /so so so sor yang dag bsten par bya/ /lam 'di rnams kyis gsang sngags dngos grub cing / /de bzhin 'dis ni thar pa myur du thob/ /rgyal sras sngon gyi rgyal ba 'das
209b3 pa dag / 'di nas gshegs shing de bzhin gshegs par 'gyur/ /ngoms med sems kyis lus dang ngag yid kyis/ /gus par dge ba'i bsod nams gang bsags pa'ang / /bde gshegs
209b4 gsungs pa'i bden pa'i lam dmigs na/ /dge ba'i lam de yang dag bskyed pa yin/ /yongs su 'dzin pa rnam par spangs nas su/ /chos gos dang ni bsod snyoms ngan ngon dang / /sman dang mal stan
209b5 ngan ngon tsam gyis kyang / /chog pa'i sems dang ldan pas bsod nams thob/ /bdag la bstod pa nams kyang mi bya zhing / /sems can gzhan la smad par mi bya'o/ /stag dang sbrul dang me 'drar 'jig rten
209b6 dag / bsams nas spangs te dben la dga' bar bya/ /bud med mtshan nyid skyes pa'i mtshan nyid dang / /sman dang glang chen brtag pa'am skar ma'i dpyad/ /mtshon cha brtag pa'am rta dpyad rang bzo 'am/ /
209b7 bstan bcos ngan pa slob cing klog pa spang / /glang chen rta dang ba lang bya gag khyi/ /gong mo sreg pa 'ug pa skyes pa dang / /bud med bu mo byis pa ra lug sogs/ /thab mo 'gyed pa mi blta mi bya'o/ /
209b8 yul sa'i gtam dang mi dbang bsten pa dang / /dmag dang gyad dang na chung gtam dag dang / /sgrung ldebs dang ni sngon gyi lo rgyus gtam/ /'dod chags dang ni smad 'tshong gtam mi bya/ /sngags pas gsang
iiif viewer powered by OpenSeadragon
Texts on this page
J736 - 'phags pa dpung bzang gis zhus pa zhes bya ba'i rgyud