| e-texts navigator |
| བོད་ཡིག |
199b1 rnams kyi ni mdun nas rgyu/ /rigs 'dzin brtsen pa'i bdag nyid can dag la/ /rnam pa sna tshogs glags skabs tshol zhing rgyu/ /bgegs kyi rigs ni rnam pa bzhi yod de/ /sa steng 'di na 'khod pa'i bgegs rnams ni/ /
199b2 rnam par 'jig dang wa dang ne'u le dang / /de bzhin so gcig pa dang rigs rnam bzhi/ /de dang de las 'phros pa mtha' yas so/ /sa steng 'jig rten skyong bzhi gang yin pa/ /de dag g.yog 'khor mya ngan med pa yin/ /
199b3 de yi g.yog 'khor bye ba phrag bdun rnams/ /de dag gsang sngags sgrub la bgegs byed do/ /wa yi rigs ni bye ba bcwa brgyad dag /dbang phyug chen po'i 'khor te de rnams kyi/ /sde dpon glang chen gdong ste stobs
199b4 po che/ /sa steng mtha' dag kun tu bgegs kyang byed/ /so gcig rigs kyi sde dpon gtsug 'phyang ste/ /bye ba drug bcu'i bgegs la dbang sgyur zhing / /tshangs dbang khyab 'jug nyi ma zla ba rlung / /de rnams kyis bshad
199b5 sngags la bgegs byed do/ /ne'u le'i rigs gang yin pa rgya che ste/ /khri phrag bye ba ther 'bum phrag stong dang / /de dag rnams ni sde dpon gtsug nas phyung / /nga yi rigs dang sngags la bgegs byed do/ /dga'
199b6 byed pad ma 'dra bar dkyus ring mig / lngas rtsen sngags rgyud la ni bgegs kyang byed/ /nor spyod bu ni gang yin gang ba pha/ /rang gi gsang sngags rgyud la bgegs kyang byed/ /sgrub pa po ni 'byor par mi dga' ba/ /
199b7 brtse med rang rang rigs la bgegs kyang byed/ /rang gi gsang sngags gzugs su rnam sprul nas/ /phreng ba dang ni gtor ma mngon du len/ /lha yis log 'dren kyis byas de mthong nas/ /khros shing 'khrugs nas
199b8 phyir yang phyogs par 'gyur/ /sngon chad sems ni 'jungs dang rmongs pa yis/ /lha yis log 'dren bgegs kyi lugs 'di btang / /lugs 'di lha dang klu dang grub pa dang / /sum bcu rtsa gsum lhas kyang bzlog
iiif viewer powered by OpenSeadragon
Texts on this page
J736 - 'phags pa dpung bzang gis zhus pa zhes bya ba'i rgyud