rKTs

e-texts navigator

Volume

Page

295b₁ sems dpa' 'jam dpal la sogs pa byang chub sems dpa' sems dpa' chen po chos kyi rgyal bu chen por dbang bskur ba thob pa sha stag dang thabs gcig go/ /gzhan yang nyan thos kyi dge 'dun chen po thams cad kyang dgra bcom pa'i
295b₂ sa bcu spyad pa tshad med grangs med pa dag dang thabs gcig ste/ tshe dang ldan pa 'od srung chen po ni gtso bor gyur to/ /gzhan yang tshangs ris kyi lha tshad med pa snyed dang thabs gcig ste/ lha'i bu k+ShaN+Da ma ra ni gtso bor gyur to/ /
295b₃ gzhan yang lha dang lha'i bu tshad med pa snyed dang thabs gcig ste/ lha'i bu ku b+ha ka ni gtso bor gyur to/ /gzhan yang 'jig rten skyong ba dang / rgyal chen ris bzhi'i lha'i rgyal po tshad med pa snyed dang thabs gcig ste/
295b₄ lha'i rgyal po yul 'khor bsrung ni gtso bor gyur to/ /gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin
295b₅ pa la sogs pa tshad med pa snyed dang thabs gcig ste/ klu'i rgyal po chen po ri'i dpal ni gtso bor gyur to/ /gzhan yang 'dod pa'i khams kyi lha'i bu mo tshad med pa snyed dang thabs gcig ste/ lha'i bu mo gzhon nu'i
295b₆ mig ces bya ba ni gtso mor gyur to/ /gzhan yang nam mkha'i lha dang / chu bo dang / rgya mtsho yi lha dang / chu mig gi lha dang / chu klung gi lha dang / sman gyi lha dang / ljon shing gi lha dang / nags tshal gyi lha dang /
295b₇ khang khyim gyi lha dang / chu'i lha dang / me'i lha dang / rlung gi lha dang / sa'i lha dang / ri'i lha dang / gzhal med khang la sogs pa'i lha tshad med pa snyed kyang so so nas 'dus shing lhags par gyur to/ /de nas byang chub sems dpa' spyan
295b₈ ras gzigs dbang phyug 'khor mang po'i nang du gsang ste/ rdzu 'phrul gyis 'od zer bkye bas phyogs bcu'-i 'jig rten gyi khams rnams dang / stong gsum gyi stong chen po'i 'jig rten gyi khams 'di yang gser gyi

_{iiif viewer powered by OpenSeadragon}

295a - 296a

Texts on this page