rKTs

e-texts navigator

Volume

Page

247a₁ mnyam par bzhag cing gtsang sbras rab tu 'jug par bya'o/ /de ltar byas na zhag bdun pa'i tshe lo bdun du 'tsho bar 'gyuro/ /lo bdun pa'i tshe ni de ltar tshe mchog 'thob cing nad las rnams par grol nas lo
247a₂ brgyar 'tsho bar 'gyur ro/ /dus ma yin pa'i 'chi ba yang thams cad du rnyed par mi 'gyur ro/ /de lta bu'i nye bar spyod pa'i rim pa las gzhan du byas na de yi 'grub pa ma yin no/ /rab du byed pa dang po'o// //rtog pa 'di yang
247a₃ dag pa'i dge ba'i bshes gnyen sdom brtson dam pa 'dul ba'i gtsug lag la zla med par smra ba ne'u mkhan po'i gsung bzhin du/ mang du thos pa'i lo ts+tsha ba gnas brtan dpal nyi ma rgyal mtshan bzang pos dpal thar pa gling
247a₄ gi gtsug lag khang du rang gis bsgyur ba'o/ / @#/ /rgya gar skad du/ sarba ta tha ga ta uSh+NI Sha bi dza ya na ma ha ri Ni kal pa sa hi ta/ bod skad du/ de bzhin gshegs pa thams cad kyi gtsug tor rnam par rgyal ba zhes bya ba'i
247a₅ gzungs rtog pa dang bcas pa/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa dgra bcom pa yang dag par
247a₆ rdzogs pa'i sangs rgyas tshe dpag tu med pa bde ba can gyi chos yang dag par sdud pa'i khang bzang mchog na nye bar bzhugs so/ /de nas 'khor kyi dkyil 'khor la nye bar gzigs te/ 'phags pa spyan ras gzigs dbang
247a₇ phyug la bka' stsal pa/ kye byang chub sems dpa' sems dpa' chen po rigs kyi bu dang / rigs kyis bu mo sdugs bsngal ba nad kyis yongs su gzir pa'i sems can tshe thung ba rnam yod de/ de rnam kyi phyir sems
247a₈ can thams cad la kun du gzigs pa'i mtshan gyi dpal de bzhin gshegs pa thams cad kyi gtsug tor rnams par rgyal ba zhes byas ba'i gzungs 'di nyid bcang ba dang bklag pa dang / gzhan la rgya cher yang dag par bstan

_{iiif viewer powered by OpenSeadragon}

246b - 247b

Texts on this page