| e-texts navigator |
| བོད་ཡིག |
243a1 skud pa tshad dang ldan pa mdzes pa'i ras mkhas pas bya'o/ /de nas gtsug tor rnam par rgyal ba zhes bya ba'i gzungs mtshon sna ma lus pas gzungs kyi yi ge las sprul pa'i mchod rten gyi nang du bri bar bya'o/ /
243a2 tshe dpag tu med pa 'od zer stong gi phreng ba can pad ma dang zla ba'i gdan la bzhugs pa/ ston ka'i zla ba lta bu'i 'od can/ rgyan thaMd kyis brgyan pa/ zhal gsum pa/ spyan gsum pa/ phyag brgyad pa/ g.yas pa'i zhal zhi
243a3 ba gser gyi 'od zer dang ldan pa'o/ /g.yon pa ni mche bas ma mchu mnan pa mi bzad pa ut+pa la sngon po'i 'od zer gyi 'od dang ldan pa'o/ /dbus ma ni sgeg pa dang bcas shing dkar ba'o/ /g.yas pa'i phyag gis snying kar sna
243a4 tshogs rdo rje'o/ /de bzhin du pad ma la gnas pa'i 'od dpag tu med pa dang / mda' dang mchog sbyin pa'o/ /g.yon du sdigs mdzub dang bcas pa'i zhags pa dang / de bzhin du gzhu dang / mi 'jigs pa dang / bum ba'o/ /yang
243a5 mgo bor mchod rten la gnas pa'i oM dang / mgrin par AHdang / snying kar hU~M ngo / /dpral bar tra~M ngo / /lte ba'i phyogs su hri'o/ /rkang pa gnyis la oM aHyi ge 'di rnams bkod la rak+Sha swA hA/ dang bcas pa 'di'i nang du rang gi ming
243a6 dang spel ba'o/ /de'i logs gnyisu pad ma dang / rdo rje 'chang gnyis rnga yab dkar po phyag na bsnaMs pa'o/ /steng du bdud rtsi'i char gyi rgyun 'bebs bzhin pa'i gnas gtsang ma'i lha'i bu gnyis so/ /logs bzhir khro bo mi g.yo
243a7 ba dang / 'dod pa'i rgyal po dang / dbyug pa sngon po can dang / stobs po che zhes bya ba ste/ ral gri dang / lcags kyu dang / dbyug pa dang / rdo rje bsnaMs pa'o/ /g.yon pa na gdug pa can 'jigs pa'i sdigs mdzub ched du byed pa'o/ /
243a8 de ltar 'bad pas rdzogs par byas reng bsrel dang bcas pa'i mchod rten la snyung bar gnas pas mchod pa chen po stong phrag gcig gis mchod pa byas la 'bum phragacig bzlas pa bya'o/ /de nas dkar po'i phyogs kyi tshes gcig
iiif viewer powered by OpenSeadragon
Texts on this page
J534(b) - de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa