| e-texts navigator |
| བོད་ཡིག |
240b1 pa ste/ de bzhin gshegs pa thams cad la mchod pa chen po'i sprin gyis mchod par 'gyur ro/ /de kun gyis kyang legs so zhes bya ba'i sgra brjod par 'gyur ro/ /sems can de ni de bzhin gshegs pa thams cad kyi bdag
240b2 nyid las skyes pa'i sras su rig par bya'o/ /sgrib pa med pa'i ye shes dang ldan zhing byang chub chen po'i sems kyi rgyan dang mnyam pa thob par 'gyur ro/ /de la gzungs bsgrub pa'i cho ga'i thabs 'dis ni lha'i dbang po
240b3 'gro ba thams cad kyang sems can dmyal ba la sogs pa'i ngan 'gro las yongs su thar bar 'gyur ro/ /de dag gi 'gro ba thams cad kyang yongs su dag par 'gyur ro/ /tshe ring bar 'gyur ro/ /lha'i dbang po song la lha'i bu
240b4 blo gros shin du brtan pa la gzungs 'di rjes su ston la sgrogs shig / lha'i dbang po des na zhag bdun na lha'i bu shin du brtan pa'i 'gro ba thams cad yongs su dag cing tshe ring bar 'gyur ro/ /stobs che bar 'gyur
240b5 ro/ /de nas lha'i dbang po brgya byin gyis de bzhin gshegs pa las rjes su bstan pa 'di blangs te/ de'i gnas su phyin nas lha'i bu shin du brtan pa la gzungs 'di byin no/ /de nas lha'i bu des nyi ma bdun pa'i bar du nyin drug
240b6 mtshan drug tu gzungs 'di la brtson par byas na/ de'i bsam pa thams cad phun sum tshogs te/ 'di lta ste/ ngan 'gro las ni yongs su thar/ bde ba'i lam la yang gnas/ tshe ring bar yang gyur nas/ a la la sangs rgyas/
240b7 a la la chos/ a la la gzungs 'di lta bu 'jig rten du byung ste/ des bdag 'jigs pa chen po las yongs su thar to/ /zhes ched du brjod pa brjod do/ /de nas lha rnams kyi dbang po brgya byin dang / lha'i bu shin du
240b8 brtan pa 'khor che ba rnams kyis me tog dang / dri dang / bdug pa dang / phreng ba dang / gdugs dang / rgyal mtshan dang / ba dan dang / gos kyi rgyan bzang po'i bla re dang / lha'i tshogs kyi mthus bcom ldan 'das kyi drung du phyin ste
iiif viewer powered by OpenSeadragon
Texts on this page
J534(b) - de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa