rKTs

e-texts navigator

Volume

Page

239b₁ bcom ldan 'das bdag ni byas pa gzo bar bgyid kyi byas pa mi gzo bar mi bgyid do/ /de nas rgyal po chen po bzhis bcom ldan 'das la lan gsum bskor ba byas te/ bcom ldan 'das la 'di skad ces gsol to/ /bcom
239b₂ ldan 'das gzungs 'di'i cho ga zhib mo dang / bgyi ba'i cho ga'i tshul rgyas par bshad du gsol/ de nas bcom ldan 'das kyis rgyal po chen po bzhi po dag la 'di skad ces bka' stsal to/ /nyon cig dang gzungs 'di'i bya ba'i
239b₃ cho ga'i tshul bshad par bya'o/ /sems can tshe thung ba'i don gyi phyir rig kyi bu 'am/ rigs kyi bu mos tshes bcwa lnga'i zla ba la khrus byas te/ gos gtsang ma gyon nas bsnyung ba byas te/ lan stong bzlas brjod byas na
239b₄ de sems can tshe zad pa de yang phyir nur ro/ /nad dang bral bar 'gyur ro/ /sgrib pa thams cad rnam par dag pa thob par 'gyur ro/ /sems can dmyal ba la sogs pa ngan 'gro thams cad las yongs su thar bar
239b₅ 'gyur ro/ /tha na dud 'gro'i skye gnas su song ba'i srog chags bya'i rna lam du yang gzungs 'di'i sgra bsgrags par bya ste/ des ni de'i ngan 'gro 'di nyid tha ma yin par rig par bya'o/ /gang zhig nad chen pos
239b₆ btab ste sman pa rnams kyis bye brag phye te bor ba yang de ltar na nad de las yongasu thar bar 'gyur ro/ /de ni ngan 'gror skye ba thams cad rgyun chad par 'gyur ro/ /shi 'phos nas kyang bde ba can gyi 'jig rten gyi
239b₇ khams su skye bar 'gyur ro/ /de nyid de'i mngal gyi gnas tha ma yin par shes par bya'o/ /de gang dang gang du skye ba de dang der pad ma'i snying po kho na las rdzus te skye bar 'gyur ro/ /tshe rabs thams cad du yang tshe rabs
239b₈ dran par 'gyur ro/ /sems can sdig pa byed pa gang dag 'chi ba'i dus byas pa/ de dag gis don du gzungs 'di yungs kar la lan nyi shu rtsa gcig yongs su brjod de/ de dag gi rus gong rnams kyi steng du gtor na

_{iiif viewer powered by OpenSeadragon}

239a - 240a

Texts on this page