| e-texts navigator |
| བོད་ཡིག |
239a1 gis btab pa phog na yang lha'i dbang po sems can de la sdig pa thams cad dang / ngan 'gror 'gro ba'i 'jigs pa thams cad mi 'byung ngo / /sems can dmyal ba dang / dud 'gro'i skye gnas dang / gshin
239a2 rje'i 'jig rten dang / yi dags dang / lha ma yin gyi ris thams cad du mi skye bar rig par bya'o/ /lha'i dbang po sems can de ni de bzhin gshegs pa thams cad kyis lung bstan cing bla na med pa yang dag par rdzogs pa'i byang
239a3 chub las phyir mi ldog par rig par bya na/ lha'i dbang po shing bzo byed pa la yang phan yon chen por 'gyur na/ mchod pa dang / rim 'gror byed cing / me tog dang / bdug pa dang / spos dang / me tog phreng ba dang / byug pa dang /
239a4 gdugs dang / rgyal mtshan dang / ba dan dang / spos dang / rgyan rnams kyis brgyan par byed pa dang / lam gyi bzhi mdor mchod rten byas la gzungs 'di gzhag la/ thal mo sbyar ba 'am/ phyag 'tshal ba 'am/ skor
239a5 ba byed pa lta ci smos te/ lha'i dbang po sems can 'di ni sems can chen po yin par rig par bya'o/ /de bzhin gshegs pa'i sras su rig par bya'o/ /chos kyi gnas su rig par bya'o/ /de bzhin gshegs pa'i mchod
239a6 rten du rig par bya'o/ /de nas chos kyi rgyal po gshin rje de'i nub mo de nam langs nas bcom ldan 'das ga la ba der song ste/ bcom ldan 'das la lha'i me tog dang / gos dang / rgyan la sogs pas mchod pa dang / sti stang du
239a7 byas nas des bcom ldan 'das la lan bdun bskor ba byas te/ bcom ldan 'das kyi zhabs la gtugs nas 'di skad ces gsol to/ /bcom ldan 'das gzungs 'di ni mthu che zhing sman yon che ba lags te/ bcom
239a8 ldan 'das bdag kyang rtag tu rgyun mi 'chad par sems can de'i slad bzhin 'brang zhing / dus kun du bsrung ba dang / yongs su bskyang pa'i slad du gnas par bgyi'o/ /sems can dmyal ba thams cad las de bzlog par bgyi'o/ /
iiif viewer powered by OpenSeadragon
Texts on this page
J534(b) - de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa