| e-texts navigator |
| བོད་ཡིག |
235a1 kha ton du byed pa dang / mchod pa dang / kun chub par byed pa dang / nyan pa dang / 'dzin par 'gyur ba der 'gro ba thams cad yongs su dag par 'gyur/ sems can dmyal ba thams cad rgyun chad par 'gyur
235a2 ro/ /lha'i dbang po gzungs 'di yi ger bris te rgyal mtshan gyi rtse mor gzhag par bya/ ri mthon po 'am/ khang pa mthon po 'am/ mchod rten gyi srog shing gi steng du gzhag par bya'o/ /lha'i dbang po dge slong ngam/
235a3 dge slong ma 'am/ dge snyen nam/ dge bsnyen ma 'am/ de las gzhan pa'i rigs kyi bu 'am/ rigs kyi bu mo gang gis rgyal mtshan gyi rtse mor bzhag pa mthong ngam/ de dang de nye bar gnas par gyur na/ tha na de'i
235a4 grib mas phog gam/ de'i rdul rlung gis btab pas phog na yang lha'i dbang po sems can de la sdig pa thams cad dang / ngan 'gror 'gro ba'i 'jigs pa thams cad mi 'byung ngo / /sems can dmyal ba dang /
235a5 dud 'gro'i skye gnas dang / gshin rje'i 'jig rten dang / yi dags dang / lha ma yin gyi ris thams cad du mi skye bar 'gyur ro/ /lha'i dbang po sems can de ni de bzhin gshegs pa thams cad kyis lung bstan
235a6 cing / bla na med pa yang dag par rdzogs pa'i byang chub las phyir mi ldog par rig par bya'o/ /lha'i dbang po mchod pa dang / rim 'gro byed cing me tog dang / bdug pa dang / spos dang / me tog phreng ba dang / byug pa dang /
235a7 gdugs dang / rgyal mtshan dang / ba dan dang / rgyan rnams kyis brgyan par byed pa dang / lam gyi bzhi mdor mchod rten byas te/ gzungs 'di bzhag pa la thal mo sbyar ba 'am phyag 'tshal ba 'am skor ba byed pa
235a8 lta ci smos te/ lha'i dbang po sems can de ni sems can chen por rig par bya'o/ /de bzhin gshegs pa'i sras su rig par bya'o/ /chos kyis gnas su rig par bya'o/ /de bzhin gshegs pa'i mchod
iiif viewer powered by OpenSeadragon
Texts on this page
J534(a) - 'phags pa ngan 'gro thams cad yongs su sbyong ba gtsug tor rnam par rgyal ba zhes bya ba'i gzungs