rKTs

e-texts navigator

Volume

Page

232a₁ phyag 'tshal lo/ /de nas lha'i bu shin du brtan pa zhes bya ba zhig sum bcu rtsa gsuM gyi lha rnaMs kyi nang chos bzang lha'i mdun sa na gnas te/ lha'i gzhal yas khang chen po na lha'i longs spyod chen po dang / lha'i bu
232a₂ mo'i tshog chen pos bskor nas rtse dga' zhing dga' mgur spyod de/ de lha'i longs spyod myong ba las mtshan mo sgra zhig thos pa/ lha'i bu shin tu brtan pa zhag bdun gyi nyin par 'chi ba'i dus byed de/ de 'chi ba'i dus byas nas kyang 'dzam bu'i
232a₃ gling du skyes te/ der yang 'gro ba bdun po myang bar 'gyur ro/ /'gro ba bdun po myong nas sems can dmyal bar skye bar 'gyur ro/ /brgya la nam zhig mir skyes bar gyur na yang der dbul por 'gyur zhing dmus long du 'gyur ro
232a₄ zhes des thos so/ /de nas lha'i bu de sgra de thos nas 'jigs skrag dngangs te spu zing zhes byed par gyur nas/ de rings pa rings par lha'i dbang po brgya byin ga la ba der song ste phyin nas/ de nas lha'i dbang po brgya byin gyi rkang pa
232a₅ la phyag 'tshal te/ brtabs par smra zhing de kye hud kye hud ces smre sngags 'don bzhin du lha'i dbang po brgya byin la 'di skad ces smras so/ /lha'i dbang po gsan du gsol/ lha'i dbang po bdag deng lha'i bu mo'-i tshog kyis bskor te/ lha
232a₆ 'i long spyod kyi dga' bas rtse zhing bde ba myong ba las sgra zhig thos pa/ lha'i bu shin du brtan pa zhag bdun na 'chi ba'i dus byed par 'gyur te/ 'dzam bu'i gling du skye bar 'gyur ro/ /der yang 'gro ba bdun myong nas sems can
232a₇ dmyal bar skye bar 'gyur ro/ /brgya la nam zhig mir skyes par gyur na yang der de dbul por 'gyur zhing dmus long du 'gyur ro/ /zhes thos na lha'i dbang po de la bdag gis ji ltar bsgrub par bgyi/ de nas lha'i dbang po
232a₈ brgya byin gyis lha'i bu shin du brtan pa'i tshig de thos nas shin du ngo mtshar du 'dzin par 'gyur te/ lha'i bu 'dis 'gro ba bdun po gang dag myong bar 'gyur snyam du sems shing cang mi smra bar 'dug pa dang / 'gro ba bdun ni phag

_{iiif viewer powered by OpenSeadragon}

231b - 232b

Texts on this page