rKTs

e-texts navigator

Volume

Page

223b₁ gzhi 'di dag 'dzin pa yang shin tu rnyed par dka'o/ /kun dga' bo rigs kyi bu 'am/ rigs kyi bu mo gang la la gzungs kyi gsang sngags kyi gzhi 'di dag 'dzin pa dang / len pa dang / 'chang ba dang / klog pa dang / kun chub par
223b₂ byed pa dang / gzhan dag la yang rgya cher rab tu ston pa de ni tshe rabs nyi shu rtsa gcig tu tshe rab dran par 'gyuro/ /tshe 'di nyid la yang sngon gyi las ma gtog par gzhan gyi gnod pa thaMd las 'da' ba dang / 'gro ba thaMd dang rjesu 'thun
223b₃ par 'gyuro/ /gang la la zhig la bsrung ba byas na de la ya~M 'byung po thaMd kyis mi tshugaso/ /lha dang / klu dang / gnod sbyin dang / dri za dang / lha ma yin dang / naMkha' ldeng dang / mi 'aM ci dang / lto 'phye chen po dang / mi dang mi ma yin pa thaMd
223b₄ kyis mi tshugaso/ /sbrul dang / srin bu dang / srin bu lu ta dang / sbrang bu lcags phye thaMd kyis mi tshugaso/ /rims rlung dang / mkhris pa dang / bad kan dang / 'dus pa dang / dus tshigs 'gyur ba las byung ba thaMd kyis mi tshugaso/ /zhag cig
223b₅ pa 'aM/ zhaganyis pa 'am/ zhag gsum pa 'aM/ zhag bzhi pa 'aM/ zhag bdun pa 'aM/ zla ba phyed pa 'aM/ zla ba gcig pa 'aM/ lo gcig pa 'aM/ nad rgyun rings saM/ skad cig pa rnams kyis mi tshugaso/ /'bras sam/
223b₆ phol mig gam/ rkang shu 'am/ lhog pa 'am/ me dbal laM/ shu ba 'am/ khyi rngo 'am/ g.yan pa 'am/ mdze thaMd dam/ glog pa thams cad dam/ gshed byed thaMs cad dam/ sgyur ba'i las thams cad dam/ byad thaMd dang /
223b₇ ro langs thaMd kyis kyang mi tshugaso/ /kun dga' bo gzungs kyi gsang sngags kyi gzhi 'di dag ni sangs rgyas bye ba phrag dgu bcu rtsa dgus gsungs te/ gang gzungs kyi gsang sngags kyi gzhi 'di dag las 'da' bar byed pa de ni de
223b₈ dag thams cad la 'khus pa yin no/ /kun dga' bo gzungs kyi gsang sngags kyi gzhi 'di dag ni rgyal po'i pho brang na 'dug na yang yid la bya'o/ /chom rkun gyi nang na 'dug na yang yid la bya'o/ /srin po'i na~M na 'dug na ya~M yid la bya'o/ /

_{iiif viewer powered by OpenSeadragon}

223a - 224a

Texts on this page