rKTs

e-texts navigator

Volume

Page

221b₁ kyi gzhi 'di dag ni sangs rgyas bye ba phrag bdun bcu rtsa bdun gyis gsungs te/ gang gzungs kyi gsang sngags kyi gzhi 'di dag las 'da' bar byed pa de ni de dag thaMs cad la 'khus pa yin no/ /de nas byang chub seMs dpa' sems dpa'
221b₂ chen po ma pham pa stan las langs te/ gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /
221b₃ bcom ldan 'das bdag gis kyang sems can rnams kyi don dang / sman pa dang / bde ba dang / mdangs dang ldan par bgyi ba dang / gzi brjid dang ldan par bgyi ba dang / grags pa dang ldan par bgyi ba dang / yon tan dang ldan par bgyi ba dang / stobs
221b₄ dang ldan par bgyi ba dang / mdog dang ldan par bgyi ba dang / bsrung ba dang / sba ba dang / bskyab pa'i slad du gzungs kyi gsang sngags kyi gzhi 'di rnams brjod par bgyi'o/ /'di lta ste/ at+te/ bat+te/ nat+te/ ku nad t+te/ puk+ka se/ ku puk+ka se/ ka se/
221b₅ a na ka se/ nA ma ka se/ a nu ta/ pra nu ta/ kha dze/ ma hA kha dze/ sad pa phe/ taDa phe/ tu Da phe/ hi li mi li ti le swA hA/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis gzungs kyi
221b₆ gsang sngags kyi gzhi 'di dag zung shig / long shig /chong shig /lhogs shig /kun chub par gyis shig /gzhan dag la yang rgya cher yang dag par rab tu ston cig /kun dga' bo sangs rgyas 'byung ba rnyed par dka'o/ /gzung
221b₇ kyi gsang sngags kyi gzhi 'di dag rnyed par dka'o/ /kun dga' bo gzungs kyi gsang sngags kyi gzhi 'di dag 'dzin pa yang shin du rnyed par dka'o/ /kun dga' bo rigs kyi bu 'am/ rigs kyi bu mo gang la la gzungs kyi gsang
221b₈ sngags kyi gzhi 'di dag 'dzin pa dang / len pa dang / 'chang ba dang / klog pa dang / kun chub par byed pa dang / gzhan dag la yang rgya cher rab tu ston pa de ni tshe rabs bcu gnyis su tshe rab dran par 'gyur ro/ /tshe 'di nyid la yang sngon gyi las ma gtogs

_{iiif viewer powered by OpenSeadragon}

221a - 222a

Texts on this page