| e-texts navigator |
| བོད་ཡིག |
39a1 d+hiSh+ThA ne na swA hA/ don dam par shes rab kyi pha rol tu phyin pa 'di ni sangs rgyas thams cad bskyed pa/ byang chub sems dpa'i yum 'phral du sdig pa 'phrog pa/ byang chub sbyin par
39a2 byed pa ste/ 'di lta ste/ bskal pa bye ba brgyar yang sangs rgyas thams cad kyis phan yon brjod par mi nus so/ /'di bklags pas dkyil 'khor thams cad du dbang bskur bar 'gyur ro/ /gsang sngags
39a3 thams cad kyang mngon du 'gyur ro/ /de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das la 'di skad ces gsol to/ /bcom ldan 'das
39a4 ci'i slad du 'di shes rab kyi pha rol tu phyin pa zhes bgyi/ bcom ldan 'das kyis bka' stsal pa/ thabs sla ba'i phyir te/ sems can gang dag spro ba chung ba de dag shes rab kyi pha rol tu phyin pa 'dzin pa
39a5 dang / klog pa dang / yi ge 'dri ba dang / yi ger 'drir 'jug pa de dag thams cad thabs sla bas byang chub la gzhol bar 'gyur te/ de'i phyir shes rab kyi pha rol tu phyin pa zhes bya'o/ /de skad ces
39a6 bka' stsal pa dang / byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das la 'di skad ces gsol to/ /bcom ldan 'das kyis ji tsam du sems can thams cad la sman pa dang / sems can
39a7 bsod nams chung ngu rnams kyi don dang / sman pa dang / bde ba'i slad du chos kyi rnam grangs 'di bka' stsal pa/ bcom ldan 'das ngo mtshar to/ /bde bar gshegs pa ngo mtshar to/ /bcom ldan 'das kyis de skad ces bka' stsal nas/ byang chub sems
39a8 dpa' sems dpa' chen po 'phags pa spyan ras gzigs dbang phyug dang / dge slong de dag dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/
iiif viewer powered by OpenSeadragon
Texts on this page
J497 - 'phags pa shes rab kyi pha rol tu phyin pa yi ge nyung ngu zhes bya ba theg pa chen po'i mdo