| e-texts navigator |
| བོད་ཡིག |
179b1 mdog gam pri yang ku lta bur sngo bsangs sam gser gyi mdog can bri bar bya'o/ /bcom ldan 'das kyi g.yas logs su rdo rje 'dzin pa chen po zhes bya ba rdo rje 'dzin gser gyi mdog can ral pa dang
179b2 cod pan can gos ser po gyon pa lag pa g.yon gyis lcags kyu yongs su 'dzin pa bri bar bya'o/ /de'i 'og tu ming ngam mtha' med ces bya ba'i 'khor 'bar ba'i snying po can khros shing 'khrugs par gyur
179b3 pa nor bu'i zur phud kyis brgyan pa a sho ka dmar po'i mdog can lag pa na gri gug dang zhags pa thogs pa bri bar bya'o/ /rdo rje 'dzin pa'i 'og tu gzhon nu ma g.yon na zur phud gcig pa nag po sngo bsangs
179b4 rol par gyur pas 'khor la dga' ba dang bcas pas blta ba/ gos sngon po gyon pa lag na me tog gi phreng ba thogs pa mtha' med ma zhes bya ba pho nya mo bri bar bya'o/ /'dir yang bris sku la gzhan du yang
179b5 las de dag nyid dang sgrub pa de dag nyid bya ba 'am rtog pa thams cad kyi cho ga'i sbyor ba 'am yid la 'dod pa'i cho ga sbyar bar bya'o/ /dur khrod du 'bum bzlas na rdo rje 'dzin 'ongs nas lag pa nas bzung ste lcang lo can
179b6 du 'dren par byed do/ /des rdo rje'i rigs kyi gzhon nur gyur pa thob par 'gyur ro/ /rig pa 'dzin pa'i sa dngos po ral gri la sogs pa la bsnyen pa byas pa des rig pa 'dzin par 'gyur ro/ /rgya mtshor
179b7 zhugs nas 'bum bzlas nas klu'i rgyal po rgya mtsho'i gnas su phyin par 'gyur zhing klu'i rgyal po rgya mtsho mthong bar 'gyur ro/ /phyir mi ldog pa'i byang chub sems dpa'i lus rab tu thob par 'gyur
179b8 ro/ /yid bzhin gyi nor bu 'am rdo rje 'am ral gri 'am 'khor lo 'am rin po che la sogs pa de rnams kyi rig pa 'dzin par 'gyur zhing / sangs rgyas kyi zhing mang por 'gro ba dang 'ong nus par 'gyur ro/ /
iiif viewer powered by OpenSeadragon
Texts on this page
J474 - dam tshig gsum bkod pa'i rgyal po zhes bya ba'i rgyud