rKTs

e-texts navigator

Volume

Page

175b₁ pa'i gsung gi 'khor lo'i dkyil 'khor yang sgra 'byin par 'gyur ro/ /gser dang nor bu dang mu tig la sogs pa'i char yang mngon par 'bab par 'gyur ro/ /sems can gyi khams thams cad du yi dags rnams
175b₂ la bza' ba dang bca' ba dang btung ba yang mngon par rab tu 'bab par 'gyur ro/ /dmyal ba rnams kyi grang ba la dro ba yang yang dag par skyed par byed do/ /dud 'gro rnams kyi gcig la gcig za ba'i sdug bsngal
175b₃ yang rab tu zhi bar byed do/ /sems can mos pa'i sgo sna tshogs pa'i yul can gyi sems can gyi khams rnam par sbyong bar byed do/ /byin gyis rlob par byed yongs su 'gengs par byed yongs su smin par byed
175b₄ r nam par 'dul bar byed nges par sbyong bar byed kun du sbyor bar byed rnam par 'bel bar byed dga' bar byed so sor 'god par byed rnam par grol bar byed byang chub kyi theg pa la lhag par 'dzeg par byed myur du lhag par 'dzeg
175b₅ p a'i sa dang pha rol tu phyin pa'i man ngag kyang ston par byed mdor na mthar gyis byang chub la gzhol zhing so sor 'god par byed dge ba sgrub pa la gnas pa skyed par byed sdug bsngal dang nyon mongs pa zad par byed rnam par
175b₆ ' joms par byed rnam par sel bar byed 'dren par byed 'joms par byed mdor na rang gi smon lam gyi stobs dang bsod nams dang ye shes kyi stobs dang de bzhin gshegs pa'i byin gyis brlabs kyi stobs kyis sems
175b₇ can gyi khams thams cad du de bzhin gshegs pa'i mdzad pa yang byed par 'gyur ro/ /'dir yang sems can sdug bsngal ba rnams kyi don yongs su mi nyams par bya ba'i cho ga bshad par bya ste/ sngags 'dzin
175b₈ pas dang por re shig byang chub tu sems bskyed pa'i rigs kyi bu 'am rigs kyi bu mo byis pa so so'i skye bo'i sa las 'das pa dang de bzhin gshegs pa'i byin gyi brlabs rnyed pa nyid la bdag nyid dad par bya'o/ /sgrub

_{iiif viewer powered by OpenSeadragon}

175a - 176a

Texts on this page