| e-texts navigator |
| བོད་ཡིག |
294b1 pa chen po de la 'di skad ces gsol to/ /bcom ldan 'das phyi ma'i dus na slad ma'i tshe sems can rnams la sa 'og gi gdon rnams kyis bar du mi gcod cing de dag gi gdug pa zhi bar byed pa'i cho ga
294b2 bshad du gsol/ bdag cag klu'i rgyal po rnams dang bdag cag gi 'khor rnams kyis sems can chen po de la bar du gcad par mi nus pa bshad du gsol/ bdag cag klu'i rgyal po rnams kyi don du 'gyur
294b3 ba bshad du gsol zhes gsol ba btab bo/ /de nas bcom ldan 'das rdo rje 'dzin pa chen pos klu'i rgyal po chen po rnams la cung zad spyan gyis gzigs nas bka' stsal pa/ klu'i rgyal po dag legs
294b4 so/ /zhu ba'i dus la bab bo/ /ngas sems can rnams kyi don du rab tu phye ste bshad kyis nyon cig /bcom ldan 'das legs so/ /zhes gsol te klu la sogs pa rnams ltar nyan to/ /
294b5 de nas bcom ldan 'das kyis klu 'dul ba zhes bya ba'i le'u 'di bshad de/ hU~M/ sems can kun gyi don gyi phyir/ /rdo rje 'dzin chen ston pa des/ /nyid kyi 'khor la rab gzigs te/ /'od zer kun
294b6 tu rab bkye nas/ /gdon rnams brlag byed thabs gsungs pa/ /dkar po'i phyogs kyi tshes brgyad dang / /de bzhin bcu bzhi bcwa lnga la/ /rab tu dben pa'i sa phyogs su/ /phyag na rdo rje rab khros
294b7 pa/ /gzhon tshul 'gying ba rab bsams la/ /rin chen snod dam kham phor du/ /gser la sogs pa'i rin chen bdun/ /dag par bsgrubs te rab bcug nas/ /gsang sngags brgya
294b8 rtsa brgyad bzlas te/ /dkon mchog gsum gyi bka' bden pas/ /'byung po de la gtor byin te/ /gang gnas brten sar rab sbas la/ /'byung po klu gdug zhi bar 'gyur/ /gang tshe zhi bas ma
iiif viewer powered by OpenSeadragon
Texts on this page
J468 - bcom ldan 'das phyag na rdo rje gos sngon po can gyi rgyud ces bya ba