| e-texts navigator |
| བོད་ཡིག |
370b1 ye shes mngon par byang chub pa ni mi mtshungs pa med pa'i snang ba 'od gsal ba'i mtshan nyid rtag tu mi 'gyur ba'i de bzhin nyid do/ /sgyu 'phrul dra ba mngon par byang chub pa ni kun tu 'byung ba thogs pa med pa'i dus dang rnam pa thams
370b2 cad du 'gag pa med pa'o/ /yongs su dag pa chos kyi dbyings mngon par byang chub pa ni/ tha dad par dmigs pa med pa'i ye shes kyi sku sangs rgyas thams cad kyi byang chub kyi sems dus gsum thog mtha' kun du dkyil
370b3 'khor chen po gsang ba'i bde ba chen po sku gsung thugs rdo rje dam tshig gi 'khor los zhi ba dang khro bo'i sku sna tshogs su snang ba'o/ /longs spyod rdzogs pa mtshan dpe ldan/ /yab yum bde chen ngo bo nyid/ /snying rje chen
370b4 po tshad med pas/ /rgyun mi 'chad par bsam pa dang / /mthun par 'jug pas zhi mi 'gyur/ /rang bzhin med pas mi 'gyur ba'o/ /dpal ye shes rdo rje kun las bsdus pa las/ rab tu byed pa bzhi bcu pa'o// //
370b5 de nas de bzhin gshegs pa'i tshogs/ /dpag med 'dus pa thams cad kyi/ /rtag tu dga' ba'i gzugs can mchog /bcom ldan rdo rje 'chang chen gyi/ /gsung dbyangs rdo rje sgra sgrogs pa/ /nye ba nyid du thos pa yis/ /
370b6 bde ba dang ni yid bde thob/ /de nyid du ni skad cig la/ /yang dag ting 'dzin sgo thob cing / /rmad byung ye shes dbyangs kyis bstod/ /chos kyi dbyings las ma g.yos kyang / /thugs rje tshad med 'gro skyob mdzad/ /
370b7 byang chub ye shes gtso chen po/ /bde chen dpe bral phyag 'tshal lo/ /rdo rje gsang ba mi 'gyur ba/ /mchog tu gyur pa bde chen po/ /thabs dang shes rab gnyis med pa'i/ /gar gyi bdag po phyag 'tshal
370b8 lo/ /drag po ma rungs thams cad kun/ /gsung gi nga ros zil gnon cing / /'jigs byed bdud 'dul chen po nyid/ /rgyal ba rgya mtsho la phyag 'tshal/ /chos rnams mi zad mdzod thob pas/ /
iiif viewer powered by OpenSeadragon
Texts on this page
J429 - dpal ye shes rdo rje kun las bsdus pa