| e-texts navigator |
| བོད་ཡིག |
370a1 gshegs pa dgra bcom pa/ /rdo rje gsum gyi ye shes ro mnyam thob/ /dbyer med zung 'jug bla na med par gyur/ /yang dag par ni mngon par sangs rgyas pa'o/ /chos kun snying po lam las 'das pas
370a2 na/ /mthar phyin gyur pas 'bad rtsol las las grol/ /lhan cig skyes pa'i ye shes rnam dag pa/ /zung 'jug rab tu mi gnas gyur pa'o/ /dngos dang dngos med spangs thob bral ba'i phyir/ /mtshan ma'i chos
370a3 las rgyu rkyen bral ba'o/ /mkhyen pa'i ye shes bdag med mnyam pa nyid/ /dmigs med ngang 'byung 'od gsal de nyid las/ /rang dag dbyings dang dbyer med rang grol ba/ /phrin las yongs su dag pa bla na med/ /
370a4 yul dang yul can byang chub thob med pa/ /rnam par mi rtog mtha' bral brjod du med/ /de bzhin nyid dag bde chen lhun grub pa'o/ /dpal ye shes rdo rje kun las bsdus pa las/ rab tu byed pa sum bcu so dgu
370a5 pa'o/ / // de bzhin gshegs pa dus gsum dang / /phyogs bcu kun du zhing khams rab 'byam pa/ /kun du gzigs shing kun mkhyen pa/ /ma lus yongs dag ting nge 'dzin/ /thams
370a6 cad mkhyen pas skad cig las/ /nam mkha' ltar ni rtog med pas/ /gdul bya dus la bab pa la/ /'bad med par ni sku gsung thugs/ /rgyun mi 'chad cing thogs med don/ /snang med ngang las 'byung 'gyur ba'o/ /
370a7 rgyud kyis bsdus dang ma bsdus las/ /rdo rje ngo bo nyid ston 'gyur/ /de las mngon par byang chub pa bla na med pa ye shes kyi sku de bzhin gshegs pa 'jug pa dang / gnas pa dang / 'byung bar 'gyur ba mnyam pa ni chos nyid de bzhin
370a8 nyid las byang chub pa ste/ rang bzhin gyis spros pa med pa lhun grub stong pa nyid do/ /khyab cing gsal ba'i ngo bo mngon par byang chub pa ni dngos po med pa'i gsal bar gyur pa'i khyab bdag rdo rje'o/ /mi zad pa snang ba'i
iiif viewer powered by OpenSeadragon
Texts on this page
J429 - dpal ye shes rdo rje kun las bsdus pa