| e-texts navigator |
| བོད་ཡིག |
366a1 kun/ /sgyu ma rmi lam lta bur 'char ba dang / /rab kyi nam mkha' lta bur rtogs pa ni/ /'od gsal ba la bsam gtan ting 'dzin ldan/ /rjes su rtogs pa shin tu rab gyur pas/ /yid bzhin nor bu lta bur rtogs
366a2 pa nyid/ /zung 'jug mngon du gyur pa'i don nyid de/ /ngo bo nyid las 'bad med gzhan don du/ /rtog med mi g.yo lhun grub gyur pa'o/ /dpal ye shes rdo rje kun las bsdus pa las/ rab tu byed pa sum bcu so bzhi pa'o// //
366a3 de bzhin gshegs pa thams cad kyi/ /dkyil 'khor thams cad bsdus pa yi/ /'khor lo 'byung ba bla med pa/ /gsang chen dkyil 'khor bstan pa'o/ /sku gsung thugs kyi rdo rje yis/ /yab yum rol pa gsang ba yi/ /
366a4 'og min gnas nas 'dir gshegs pa/ /byin rlabs ye shes dbab par byed/ /'di ni rdo rje chen po yi/ /dbang bskur ye shes gsang ba ste/ /rnal 'byor lus kyi gnas rnams su/ /spyi bo lte ba dpral ba dang / /mgrin pa
366a5 snying ga gsang bar ni/ /bder gshegs rdo rje chen po yi/ /yab yum phyi nang gsang ba la/ /gnyis med rol pas dbang bskur ba/ /bde chen ye shes mi 'gyur ba'i/ /gsang chen dbang ni dri med pa'o/ /gsang ba rdo rje theg pa
366a6 yi/ /sdom pa gsang ba rgyas gdab pa/ /rig pa 'dzin pa'i snying po ni/ /yang dag sdom pa bstan pa'o/ /rlung sems 'gyur ldog dus gnad 'gyur ba nyid/ /rlung sems gcig tu gnas sam tha dad 'gyur/ /gal te rlung sems gcig
366a7 tu mtshungs ldan na/ /thog mar sngon du 'gro ba gang yin pa/ /'gro 'ong rim pa bzhin du byed 'gyur na/ /sngon du 'gro ba gang yin de rjes su/ /'brangs las gang gang byed pa gang de snyed/ /so sor byed dam gcig tu mnyam par byed/ /so sor byed na
366a8 gcig pa'i khyad par nyams/ /gcig tu byed na snga phyi med par 'gyur/ /rlung 'gag na ni rtog pa 'gag mi 'gag /gal te rtog pa bzlog par gyur pa na/ /rlung gis las ni ji ltar byed par gyur/ /'byung ba rlung dang rang bzhin rtog pa dag /
iiif viewer powered by OpenSeadragon
Texts on this page
J429 - dpal ye shes rdo rje kun las bsdus pa