rKTs

e-texts navigator

Volume

Page

35a₁ dpag bsam shing gi sgrub pa 'byung bar 'gyur ro/ /brag gi yi ge las byung ba/ /dpag bsam shing ni rnam par bsgom/ /ut+pal yongs su gyur pa las/ /shing ni g.yon du bsgom par bya/ /sna tshogs nor gyi char pa dag /
35a₂ nam mkha'i dkyil nas 'bab pa yis/ /'dod pa'i bsam pa rdzogs byed pa/ /de ltar bsgoms na nor bdag 'gyur/ /gling bzhi pa yi sems can rnams/ /sems kyi 'od zer gyis bkug nas/ /rtag tu rin chen bdun rang
35a₃ bzhin/ /de dag la ni rab sbyin bya/ /yongs kyi gtso bo rin chen dang / /de bzhin rin chen rgya mtsho skyes/ /bud med rin chen rta rin chen/ /de bzhin ral gri rin chen dang / /glang po rin chen sogs rin chen/ /sangs rgyas rnams la yid kyis
35a₄ dbul/ /bud med rgyan gyis brgyan byas la/ /sna tshogs gzugs can 'gying ba rnams/ /sangs rgyas 'bras bu 'dod rnams kyis/ /sangs rgyas rnams la rtag tu dbul/ /'dis ni sangs rgyas thams cad dang / /rig pa 'dzin pa
35a₅ thob par 'gyur/ /rin po che ni yongs rgyas pa'i/ /yongs kyi gtso bo nor dbang phyug /sangs rgyas 'bras bu 'dod pa yis/ /sangs rgyas rnams la dbul bar bya/ /de bzhin rin chen gzhan dag kyang / /gus dang bcas pas
35a₆ yongs btang na/ /rdo rje chos su gyur nas ni/ /sems can kun gyi don byed 'gyur/ /'di ni dpag bsam shing gi sgrub pa'i thabs so/ /sems nyid sangs rgyas thams cad do/ /sems nyid kyis ni rnam par grol/ /sems kyis 'ching
35a₇ ba rnams las thar/ /sems kyis grol ba dang ldan 'gyur/ /sems ma gtogs par dngos don rnams/ /gzhan dag gzhan par ma mthong ste/ /sangs rgyas nyid dang dngos grub kun/ /gang phyir phun tshogs gzhan ma mthong / /
35a₈ gang yang snod dang sems can rnams/ /'byung dang 'byung las gyur pa dag /zag med lhag par mthong ba yis/ /sems tsam yin zhes rab tu bsgrags/ /de bas 'bad pa thams cad kyis/ /sems kyi me long phyis byas na/ /

_{iiif viewer powered by OpenSeadragon}

34b - 35b

Texts on this page