| e-texts navigator |
| བོད་ཡིག |
354b1 nyan rang dang / /byang chub sems dpa'i lam mchog la dbang ste/ /'jug pa rnam thar la sogs drug ldan pa/ /chos rnams yongs rdzogs mkhyen bcas 'dir ston byed/ /rdo rje theg pa spyi don rgyud kun gyi/ /dgongs pa blta ba'i
354b2 rnal 'byor gsang ston pa/ /rig sngags gzungs bcas gsang sngags de nyid kyi/ /'dus par 'jug pa'i rim pa lam gyur pa'o/ /sbas pa'i don las snying po gsang ba mchog /bla na med pa'i 'byung gnas btsun mo dang / /phyogs
354b3 mtshungs phyi ltar rin chen rgyan spras bzhin/ /spyi don gnyis kyis na bza' gos rim na/ /sbas don gsang ba btsun mo'i lus ngag yid/ /lus ni sgyu ma kun rdzob rmi lam ltar/ /ngag ni rlung sngags gnyis med sbyor ba las/ /
354b4 rnam shes sems nyid snang ba gsum sbas pa/ /bde ba'i lam gyis sbas pa dga' ba bzhi/ /ye shes chen po rol pa'i gsang ba mchog /snying po bde chen lhan cig skyes pa'o/ /ye shes 'byung gnas nyid ni skad cig bzhi/ /
354b5 mthar thug de kho na nyid 'od gsal ba/ /de la brten pas lam myur bgrod pa ste/ /rang 'byung zhi gnas lhag mthong ro mnyam pa/ /zung 'jug mi 'gyur byang chub sems rdo rje/ /lam mthar phyin pa lhun grub ngo bo nyid/ /brjod
354b6 'das rgya chen po yang de nyid do/ /e ba~M las ni phun tshogs lnga ldan pa/ /dpe don gyur pa sgra dang rtags las shes/ /yi ge bzhi bcu gsang ba gleng gzhi las/ /e ba~M gsang ba gleng bslang mdo rgyas pa/ /'dzam gling gnas su
354b7 dkyil 'khor snang ba bstan/ /gsang sngags dbyibs dang brda sngags don sbyar ba/ /thun mong gyur pa the tshom sel ba'o/ /dpal ye shes rdo rje kun las bsdus pa las rab tu byed pa bcu drug pa'o// // smin mtshams
354b8 mdzod spu'i 'khor lo mu khyud las/ /rtsa yi byed pa ro rkyang thabs shes las/ /srog rtsol 'byung 'jug byang sems spro bsdu dang / /sgro 'dogs gcod pa phyi dang gsang ba'i tshul/ /rdo rje'i lus kyi gnas lugs khyad par las/ /
iiif viewer powered by OpenSeadragon
Texts on this page
J429 - dpal ye shes rdo rje kun las bsdus pa