| e-texts navigator |
| བོད་ཡིག |
345a1 dbyings kyi gnas nyid du/ /bsregs shing thim gyur mi gnas pa'o/ /rdo rje lta bu'i ting 'dzin gyis/ /kun rtog ma lus bcom gyur pa'i/ /rnam par dag pa'i ye shes kyi/ /mkhyen pa byang chub sems kyi rgyun/ /mi
345a2 'gag phrin las rgyun mi 'chad/ /mi 'gyur stong nyid bde chen po/ /zung 'jug rab tu mi gnas pa/ /thob tu med las kun du 'byung / /lhun grub de bzhin nyid gnas pa'o/ /de kho na nyid las rtog pa dang mi rtog pa rnam par dag par
345a3 gyur pas/ rang bzhin slob pa dang mi slob pa'i bye brag gis rab tu mi gnas pa'i ngo bor 'gyur ro/ /'di ni mthar thug pa'i bshad pa gsungs pa'o/ /dpal ye shes rdo rje kun las bsdus pa las rab tu byed pa gsum pa'o// //
345a4 byams pas gsol pa/ bcom ldan 'das/ rnal 'byor gyi rgyud du de bzhin gshegs pa thams cad kyis mtha' drug gis bshad pa ji ltar lags/ /bcom ldan 'das kyis bka' stsal pa dgongs pas bshad pa dang dgongs pa
345a5 ma yin pas bshad pa dang / drang ba'i don dang / nges pa'i don dang / sgra ji bzhin pa dang / sgra ji bzhin ma yin pa rnams so/ /byams pas gsol pa/ thugs brtse ba nye bar gzhag cing / bcom ldan 'das tshig re re'i dbye ba bstan du
345a6 gsol/ bcom ldan 'das kyis bka' stsal pa/ mthar thug pas bshad pa de nyid dgongs pas 'jig rten gyi spyod pa dang 'gal ba rmad du byung ba bshad pa ni 'di lta ste/ 'dod chags ma yin pa dang / 'dod chags dang bral ba yang
345a7 ma yin pa dang / bar ma dbu ma nye bar mi dmigs pa zhes bya ba la sogs pa rdo rje'i tshig rnams ni dgongs pas bshad pa'o/ /bde ba zag bcas ma yin te/ /zag pa med pa'i bde ba nyid/ /bde ba spangs shing 'bras med pas/ /sgyu
345a8 ma lta bur byung ba ste/ /de nyid bde ba'i ye shes ni/ /dbu ma tsam du'ang mi dmigs so/ /gang zag dbang po dman pa rnams/ /skrag byed 'gal ba ltar snang ngo / /dbang po mchog rnams chos la ni/ /sngon chad ma byung chos thos
iiif viewer powered by OpenSeadragon
Texts on this page
J429 - dpal ye shes rdo rje kun las bsdus pa