| e-texts navigator |
| བོད་ཡིག |
344b1 nyon cig / mtha' ni mu ste/ 'od gsal ba yang dag pa'i tshul zhes bya ba mthar thug pa'o/ /mtha' ldan mtha' bcas grol ba yang dag mtha'/ /mtha' nyid bzlog bral grub mtha' las 'das pa'o/ /
344b2 byang chub sems dpa' chen pos gsol pa / bcom ldan 'das thabs gang gis mthar thug thob pa lags/ bcom ldan 'das kyis bka' stsal pa/ phung po dang khams dang skye mched la sogs pa'i
344b3 mtha' snang ba gsum las stong pa gsum mo/ /dmigs pa med pa sgyu ma lta bu las stong pa gsum gyi mtha' bde stong 'od gsal ba'o/ /byang chub sems dpa' chen pos gsol pa/ stong pa gsum 'od gsal ba'i
344b4 mthar ji ltar 'gyur ba lags/ bcom ldan 'das kyis bka' stsal pa/ ji ltar mes shing bsregs pa ste 'bar bar byed pa de bzhin du 'od gsal bar shes rab kyi snang ba ye shes yun ring pos rnam par sbyong bar byed do/ /
344b5 ji ltar ta la'i lo ma yang 'bar bar byed pa de bzhin du ste 'od gsal bar byed pa de bzhin du thabs kyis ye shes la mched pa rnam par sbyong bar byed do/ /ji ltar ras bal gyi 'dab ma bsregs pa de bzhin du snang
344b6 thob pa'i ye shes mchog tu gyur pas rnam par sbyong bar byed do/ /de'i phyir shing ta la'i lo ma dang ras bal gyi 'dab ma bsregs pas 'bar zhing thal bar gyur pa de bzhin du stong pa dang / stong pa chen po dang / shin tu
344b7 stong pa dang / thams cad stong pa rnams snang ba nye bar thob pa 'od gsal bar 'gyur ro/ /'od gsal don dam bden pa nyid/ /mnyam nyid ye shes rtogs pas ni/ /dbyings kyi ngang du rtog pa'i tshogs/ /ma dag gnyen po'i byed pa
344b8 dang / /rgyu rkyen yul spyod dngos po kun/ /rtog med rang 'byung me 'bar bas/ /shing gi bye brag sna tshogs dang / /ras bal phung po du ma yang / /tshig cing dngos med byed pa ltar/ /de bzhin gzugs 'dzin ma lus pa/ /chos kyi
iiif viewer powered by OpenSeadragon
Texts on this page
J429 - dpal ye shes rdo rje kun las bsdus pa