| e-texts navigator |
| བོད་ཡིག |
344a1 par dag pa'o/ /sems snang ba gsum gyis sbas pa ni gang chos nyid las yang dag par 'byung pa/ thob pa dang / mched pa dang / snang ba ni sems ye shes kun tu rnam par rtog pa med pa bzhin du rang bzhin dang
344a2 bcas par 'byung ba'o/ /chos kyis sbas pa ni bde ba'i don gang rdo rje dang pad+ma mnyam par sbyar ba'i bde bas/ rang bzhin rnam par dag pa'i snang ba gsum nye bar mtshon par byed pa de ni/ bde ba chen po'i go 'phang rab tu
344a3 gnas par 'gyur ro/ /'di ni sbas pa'i bshad pa'o/ /byang chub sems dpa' sems dpa' chen po byams pas gsol pa/ bcom ldan 'das spyi'i don ci lags/ bcom ldan 'das kyis bka' stsal pa/ nyan
344a4 thos la sogs pa 'dod chags dang bral ba'i chos la spyod pa/ rnam par rtog pa'i bag chags las ma grol ba/ rnal 'byor chen po'i rgyud mtha' dag tu/ rdo rje btsun mo'i b+ha ga la bzhugs zhes bya ba la sogs pa'i
344a5 'dod chags kyi chos gsal bar byed pa ngo mtshar gyi rdo rje'i tshig thos nas smod par byed pa de rnams las mi 'gal ba'i sgo nas bshad pa de ni spyi'i don du gsungs pa'o/ /byams pas gsol pa/ yi ge'i
344a6 don gang lags/ bcom ldan 'das kyis bka' stsal pa/ gang yang A li kA li sgra'i don la brten nas rjod par byed pa/ brjod pa'i mtha'i byed pa/ mtha' dang brjod pa rkyen rnams las rnam par 'byung ba/
344a7 rab tu byed pa dang bcas pa tha snyad sna tshogs pa la brten nas cha shas tsam du bstan pa'o/ /byams pas gsol pa/ thun mong ma yin pa bla na med pa 'di ltar mthar thug par bshad pa ji ltar bshad pa lags/
344a8 de nas bcom ldan 'das kyis bka' stsal pa/ byang chub sems dpa' sems dpa' chen po rnams la legs so/ zhes bya ba byin nas/ legs so legs so/ /byang chub sems dpa' snying rje mchog dang ldan pa
iiif viewer powered by OpenSeadragon
Texts on this page
J429 - dpal ye shes rdo rje kun las bsdus pa