rKTs

e-texts navigator

Volume

Page

342a₁ drug po rnam sgeg zhe 'gras byed/ /bag yod pa yi dge ba ste/ /tshig gsal bden smra dad pa dang / /g.yo med dran pa ldan pa can/ /mi bden pa dang de bzhin nges/ /shes bzhin ma yin ma nges pa/ /
342a₂ nye bar mi len ma chags sems/ /sbyin byed bskul ba mdun pa nyid/ /de bzhin des dang ngo tsha med/ /dpa' bas rnam par 'tshe byed pa/ /bag med pa dang khrel med pa/ /shes bzhin bral ba ma yin pa/ /g.yo sgyu ston pas
342a₃ mi bsrun dang / /gya gyur byed pa rgod bag can/ /'di dag rtog pa 'byung ba ste/ /snang ba mched pa'i shes pa las/ /kun tu rgyu zhing 'jug par byed/ /mtshan nyid 'di dag bstan pa'o/ /chags pa bar ma'i skad cig ma/ /
342a₄ ma rig pa nyid min pa ltar/ /'thibs shing snang ba med pa'o/ /brjed ngas pa dang rmugs pa'o/ /'khrul chen log par lta ba can/ /brjod med 'gog pas 'jug pa zad/ /skyo zhing le lo snyoms las byed/ /the tshom gyur
342a₅ pa yid dpyod pa/ /ma ning 'byung ba phra ba dang / /rags pa skye 'gag gnas pa las/ /bag chags dri ma'i rtog pa kun/ /snang ba thob pa'i de nyid du/ /stong nyid spros pa bral gyur pas/ /rnam par dag pa 'od gsal ba'o/ /
342a₆ nang gi rnam par shes pa de nyid ni/ /lhan cig skyes pa'i chos nyid rtog med pa/ /'od gsal ngo bo stong zhing bdag med pa/ /rlung gis bskyod pas mtshan ma'i rnam par byung / /de yi skad cig rang bzhin 'byung 'jug pa/ /mtshan
342a₇ ma snang ba gsum du mngon par 'byung / /de bas na 'di dag nges par rtogs pas ji ltar 'o ma dang / til dag gis yang dag pa'i mngon par 'du bya ba med pa dang / til mar gyi 'byung ba de bzhin du sngags dang phyag rgya mngon
342a₈ par 'du bya ba'i rdo rje dang pad+ma mnyam par sbyor ba med par rnam par shes pa gsum nye bar brtag par mi nus so/ /gang du rlung med na kun gzhi rten pa med pa'o/ /gang du kun gzhi'i rten pa med na rnam par shes par mi 'gyur

_{iiif viewer powered by OpenSeadragon}

341b - 342b

Texts on this page