| e-texts navigator |
| བོད་ཡིག |
339b1 de las gzung 'dzin du 'khrul pa las/ de rnams 'dus pa las phung po lnga dang ni skye mched drug dang yul lngar snang ba ste/ de nyid rlung dang rnam shes tha dad med par nye bar 'dres pas/ 'gag pa med pa kun du snang ba brten cing 'brel par
339b2 'byung ba nyid du'o/ /chos nyid rtog med kyi ngang las/ rlung dang lhan cig tu 'byung bas/ srid pa bar dor yul la spyod tshul ni/ de nas rnam par shes pa gsum gyi ni/ rkyen las 'char ba'i snang ba dang / snang ba mched pa dang / snang ba
339b3 thob pa ste/ rgyu'i rkyen dang / dmigs pa dang / dbang po bdag po dang / mtshungs pa de ma thag pa las/ mngon par 'byung ba/ rtog pa dang ldan pa'i rang bzhin gyi snang ba/ rang bzhin sum bcu rtsa gsum dang / mtshan nyid bzhi bcu dang
339b4 ma rig pa'i skad cig ma bdun du rab tu gsal bar nyin dang mtshan du spyod pas/ rjes su nyams su myong bar byed pa ma dag pa'i dus so/ /yang rlung dal zhing rig pa cung zad gnas pa'i tshe/ snang ba gsum gyi rgyu 'bras thams cad sgyu ma
339b5 lta bur gyur pas/ rang bzhin rnam pa thams cad ye shes kyi ngang du rang dag rang zhi rang sar grol bas/ yang dag par rab tu 'byung ba/ de bzhin nyid du bde ba/ gsal ba/ stong zhing bdag med pa'i rnam par mi rtog pa'i ye
339b6 shes 'char bas/ bag chags rnam par dag pa'i bar dor rmi lam gyi bar dor lus ngag sgyu ma ltar kun du snang ba'o/ /sgyu lus kyi snang ba de nyid kun rdzob kyi spyod pa dag par byed pa'i phyir/ de yang 'od gsal ba la rab tu 'jug pas
339b7 ril por 'dzin pa dang / rjes su gzhig pa'i bsam gtan gyis lhan cig skyes pa'i dri ma rnam par dag pa'i tshe/ gang la yang gnas pa med pa dang / chos rnams kun la 'gag pa med pa dang / gnas pa med cing / skye ba med pa ste/
339b8 spros med don dam pa'i bden pa rab tu mi gnas pa'i don/ yang dag pa'i mtha' snang ba med pa zhes bya'o/ /de nyid las ni lugs las bzlog gyur pa'i/ /mun pa lta bu'i snang ba phra rlung las/ /'gog pa ma rig pa zhes bya bar
iiif viewer powered by OpenSeadragon
Texts on this page
J429 - dpal ye shes rdo rje kun las bsdus pa