| e-texts navigator |
| བོད་ཡིག |
32b1 @##/ /rgya gar skad du/ Ar+ya tA re ku ru kul+le kal pa/ bod skad du/ 'phags ma sgrol ma ku ru ku l+le'i rtog pa/ 'phags pa 'jam dpal gzhon nur gyur pa la phyag 'tshal lo/ /'phags ma lha mo
32b2 sgrol ma la phyag 'tshal lo/ /sgrol ma 'byung ba'i rnal 'byor rgya mtsho'i rgyud kyi ni/ /gzhung dang rtog pa nyams shing nub par gyur nas yang / /sgrol ma 'byung ba'i ting 'dzin zhes bya rgyud kyi gtso/ /de yang nub par gyur nas rtog pa
32b3 'di yang 'byung / /sems can mang po'i don du rnal 'byor pa/ /rgyas par bstan pa'i rgyud las bsdus byas nas/ /rtog pa 'di ni 'jig rten dbang phyug gsungs/ /byang chub sems dpa' thams cad mnyan par gyis/ /'jig
32b4 rten skyabs med gyur la rnam bltas nas/ /'gro kun don byed pa yi tshul 'di ni/ /sdug bsngal gsum gyis sdug bsngal gyur bltas nas/ /gus pa chen pos khyod kyis blang bar byos/ /'jig rten rnam rtog zhi bar bya
32b5 phyir rtog pa 'di/ /sangs rgyas thams cad kyis ni rab tu gsungs/ /dpal ldan gru 'dzin ri la 'jam dpal dang / /pad ma bsnams dang rgyal bar byed pa dang / /sgrib pa rnam sel blo gros rgya mtsho dang / /byams pa la sogs
32b6 tshogs rnams thams cad kyis/ /gang yang chos kyi tshigs 'di thos gyur nas/ /rjes su yi rang spyi bos gus phyag byas/ /rgyal ba'i sras kyis mnga' byas bstod pa 'am/ /yang na glu dang dbyangs dag byas pa yis/ /
32b7 sna tshogs gar gyis 'di ni mchod pa byas/ /gnod sbyin srin po yi dags 'jig rten dang / /sna tshogs bu mo dang ni rgyu skar dang / /sa yi dbang dang lag na rdo rje dang / /rlabs rnams sna tshogs can gang gnas pa yi/ /klu yi bu
32b8 mo zur gyis blta bas lta ba dang / /sa 'og skyong dang lha dbang grub pa'i bu mos mchod/ /dri za'i rgyal mo nu ma shin tu rgyas pa dang / /rig pa 'dzin dang mi 'am ci yi chung ma dang / /gnod sbyin chung ma ri yi bu mo'i bu dag ni/ /
iiif viewer powered by OpenSeadragon
Texts on this page
J417 - 'phags pa sgrol ma ku ru ku lle'i rtog pa