| e-texts navigator |
| བོད་ཡིག |
169b1 mched gzugs/ /rdzogs pa'i rim pa'i sbyor ba yis/ /sngags pas sbyor ba nges byas la/ /thams cad dag par mos pa yis/ /'jigs pa thams cad spangs nas su/ /dogs pa med pa'i
169b2 sems kyis ni/ /sngags pas seng ge bzhin du spyod/ /'di la mi bya ci yang med/ /de bzhin mi bza'ang yod ma yin/ /smra bar mi bya cung zad med/ /rtag tu mi bsam ci yang med/ /mnyam par ma
169b3 bzhag sbyor ba yis/ /rtag pa nyid du mnyam par 'jog /gang gis sems kun la spyod pa/ /kun du spyod pa zhes bshad do/ /dbang po dang ni yul rnams kyi/ /rkyen gyis gang dang gang byung
169b4 yid/ /yid de man zhes bya bar bshad/ /ta ni skyob par byed pa'i don/ /'jig rten spyod las rnam grol bar/ /gang bshad dam tshig sdom pa ste/ /rdo rje kun gyis bsrungs pa ni/ /sngags kyi spyod
169b5 pa zhes bshad do/ /rang rang gi ni ngo bo nyid/ /snying po yid kyis rnam bsams te/ /gsang sngags zlos pa'i dbye ba yis/ /zlos par byed cing spro zhing bsdu/ /sangs rgyas sna tshogs rdo rje'i bdag /ye
169b6 shes sa bon dag gis bsdu/ /byang chub bdag med sa bon gyis/ /brtul zhugs can gyis bdag med gzung / /sna tshogs bzhin du sna tshogs spro/ /dus gsum sa bon dag gis bzla/ /bzlas pa
169b7 smra bar grags pas na/ /ngag kun bzlas pa zhes bshad la/ /sngags kun 'bod pa zhes bshad de/ /de nyid bskul bar smra ba'o/ /ji ltar thugs sogs byin rlob pa/ /ting nge 'dzin kyang de bzhin no/ /de rnams
169b8 spyi bor dbang bskur dang / /de bzhin kun tu mchod pa'o/ /rdo rje 'chang ba gang yin pa'i/ /rig pa yod pa'i sbyor ba dang / /bdag byin brlab sogs de bzhin te/ /de yi longs spyod bzhir shes bya/ /dpa' bo rdo rje
iiif viewer powered by OpenSeadragon
Texts on this page
J423 - rgyud phyi ma