| e-texts navigator |
| བོད་ཡིག |
167a1 ji ltar de rnams spyan drang bgyi/ /bcing ba 'dir ni ji lta bu/ /dbang bskur ba ni ji ltar stsal/ /de bzhin rig pa'i brtul zhugs gang / /bdud rtsi lnga rnams ci ltar bza'/ /de bzhin dpa' bo lnga gang
167a2 lags/ dngos grub tha mal ji lta bu/ /de bzhin mchog kyang ji lta bu/ /de la thabs ni rnam pa du/ /de bzhin thabs byung ji lta bu/ /rnal 'byor rdo rje can kun gyi/ /bka' ni ji ltar bsgo bar bgyi/ /las
167a3 kyi mchog gi tshogs rnams ni/ /sna tshogs ji ltar byed par 'gyur/ /de nas de bzhin gshegs pa de dag thams cad byang chub sems dpa' sems dpa' chen po de rnams kyis zhus pa'i tshig nye
167a4 bar gsan nas/ byang chub sems dpa' chen po rdo rje 'dzin pa la dmigs par mdzad nas skad cig cang mi gsung bar gyur to/ /de nas byang chub sems dpa' che/ /snying rje'i bdag nyid rab dga' nas/ /
167a5 rdzogs pa'i sangs rgyas bde bar gshegs/ /mgon la yang dang yang rab bskul/ /de nas de bzhin gshegs pa de dag thams cad kyis byang chub sems dpa' de rnams la 'di skad ces bka'
167a6 stsal to/ /sku gsung thugs kyi rdo rje yis/ /sku gsung thugs ni rdo rje la/ /bzhag nas byang chub sems dbang po/ /zhus pa rgya chen mnyan par gyis/ /de nas byang chub sems dpa' sems dpa'
167a7 chen po de dag thams cad de bzhin gshegs pa de dag thams cad kyis rjes su gzung pa'i bka' spyi bos rab tu mnos te/ bcom ldan 'das legs so legs so/ /bde bar gshegs pa legs so
167a8 legs so zhes gsol nas/ rang rang gi lus dang ngag dang yid rdo rjes byang chub sems dpa' chen po rdo rje 'dzin pa chen po'i sku dang gsung dang thugs rdo rje la dmigs te cang mi smra bar gyur to/ /de nas
iiif viewer powered by OpenSeadragon
Texts on this page
J423 - rgyud phyi ma