| e-texts navigator |
| བོད་ཡིག |
256a1 'khor ba tshor ba la sogs pa/ /'khor ba dbang po rnam nyid do/ /'khor ba zhe sdang la sogs pa/ /'di rnams chos ni mya ngan 'das/ /rmongs phyir 'khor ba dag pa ni/ /rmongs med 'khor ba dag pa ni/ /'khor ba mya ngan 'das
256a2 par 'gyur/ /byang chub sems ni mya ngan 'das/ /kun rdzob don dam tshul can no/ /shin tu bzhin bzangs mig yangs ma/ /gzugs dang lang 'tshos rnam par brgyan/ /sngo bsangs dal la rigs bzang ma/ /si hA ga pur 'byung ba'i
256a3 gnas/ /rang gis dbang bskur kye'i rdo rje/ /skra bzang sgrub pa po la dga'/ /de la chang yang btung bar bya/ /de nas rang yang btung ba nyid/ /rang bzhin don ni rab sgrub phyir/ /phyi nas phyag rgya rjes chags bya/ /po la kak+ko lar bcug
256a4 nas/ /kun tu ru byed btul zhugs can/ /der ni sbyor ba las byung ba'i/ /ga bur mkhas pas mi spang ste/ /de ni lag tu mi blang zhing / /nya phyis dung chos nyid du min/ /nges par blo dang stobs kyi phyir/ /mi 'chi lce yis blang ba nyid/ /
256a5 ga pur nyid ni bdag nyid ma/ /bde ba bdag med tshul can nyid/ /de yi bde ba phyag rgya che/ /lte ba'i dkyil 'khor nyid du gnas/ /dang po'i dbyangs yig rang bzhin te/ /blo zhes sangs rgyas rnams kyis brtags/ /rdzogs
256a6 pa'i rim pa'i rnal 'byor las/ /de nyid bcom ldan shes rab ma/ /de ni ring min thung ba min/ /gru bzhi ma yin zlum po min/ /dri dang ro dang mya las 'das/ /lhan cig skyes dga' byed pa can/ /de las skyes pa'i rnal
256a7 'byor pas/ /de yi bde ba za ba nyid/ /de dang lhan cig phyag rgya che/ /bde ba sbyin pa'i dngos grub 'gyur/ /gzugs sgra de bzhin dri dang ni/ /ro dang de bzhin reg bya nyid/ /chos kyi dbyings kyi rang bzhin yang / /shes rab
256a8 nyid kyis dpyad par bya/ /de nyid lhan cig skyes pa'i gzugs/ /bde chen bzang po'i rnal 'byor ma/ /de nyid dkyil 'khor 'khor lo dang / /ye shes lnga yi rang bzhin can/ /de ni me long ye shes gzugs/ /mnyam nyid
iiif viewer powered by OpenSeadragon
Texts on this page
J355(b) - kye'i rdo rje mkha' 'gro ma dra ba'i sdom pa'i rgyud kyi rgyal po