| e-texts navigator |
| བོད་ཡིག |
253a1 kyis bcom ldan 'das la 'di skad ces gsol to/ /yul de rnams kyang ci lags/ dbang po rnams ni gang lags/ skye mched ni ci lags/ phung po rnams ni gang lags/ khams rnams kyi rang bzhin ni ci lags/ bcom ldan 'das
253a2 kyis bka' stsal pa/ yul drug ni/ gzugs sgra de bzhin dri dang ni/ /ro dang de bzhin reg bya dang / /chos kyi khams kyi rang bzhin nyid/ /'di rnams yul ni drug du brjod/ dbang po rnams ni drug ste/ mig dang rna ba sna dang ni/ /
253a3 lce dang lus dang de bzhin yid/ /'di rnams dbang po drug po ni/ /gti mug rdo rje la sogs ldan/ /yul dang yul can dag gis ni/ /skye mched bcu gnyis dag tu 'gyur/ /phung po lnga ni gzugs la sogs/ /mthar ni rnam
253a4 shes snying rje che/ /dbang po dang ni yul nyid dang / /dbang po'i rnam par shes pa nyid/ /rnal 'byor ma rnams go bya'i phyir/ /khams ni bcwa brgyad rnams su bshad/ /rang bzhin gdod nas ma skyes pa/ /brdzun min bden min de bzhin
253a5 du/ /thams cad chu yi zla ba ltar/ /'dod pas rnal 'byor mas shes kyis/ /'di lta ste/ gtsub shing dang gtsub stan dang skyes bu'i lag pa'i rtsol ba las glo bur du me skye bar 'gyur ro/ /me 'di ni btsub shing la yang mi
253a6 gnas/ gtsub stan la yang mi gnas/ skyes bu'i lag pa dag la yang ma yin te/ rnam pa thams cad du yongs su btsal na gcig na'ang yod pa ma yin pas me de yang bden pa yang ma yin zhing brdzun pa yang ma yin no/ /
253a7 de ltar chos thams cad rnal 'byor mas yid la bgyis shig /de nas rnal 'byor ma bdag med ma la sogs pa rdo rje mkha' 'gro ma thams cad kyis bdud rtsi lnga thogs shing dam tshig gi rdzas thogs pas bcom ldan 'das
253a8 rdo rje sems dpa' la mchod par byed/ /kun tu ru'i sbyor bas rjes su chags par byed/ bdud rtsi lnga'i ro yang 'thung bar byed do/ /de nas bcom ldan 'das dgyes nas rang byin gyis brlab pa bstan pa/ kye kye rdo rje
iiif viewer powered by OpenSeadragon
Texts on this page
J355(b) - kye'i rdo rje mkha' 'gro ma dra ba'i sdom pa'i rgyud kyi rgyal po