| e-texts navigator |
| བོད་ཡིག |
9a1 gsal bar rtogs par byed de/ glog thob 'di ni byang chub sems dpa' sems dpa' chen po rnams kyi gti mug spyod pa'i gter zhes bya'o/ /byang chub sems dpa' gang gis gter 'di thob par
9a2 gyur na rten cing 'brel bar 'byung ba shin du legs par so sor brtags nas gti mug spyod pa'i sems can de dag gi ched du bskal pa 'am/ bskal pa las lhag par de dag gi rang bzhin dang / 'dun pa ji lta ba bzhin
9a3 du tshig 'bru dang / yi ge dang / rjod pa sna tshogs kyi thabs mkhas pas chos ston par byed kyang gti mug spyod pa'i mtha' yang rnyed par mi 'gyur la/ byang chub sems dpa' de'i shes rab dang spobs pa yang gtugs par
9a4 mi 'gyur te/ 'di ni byang chub sems dpa' chos thams cad dbyer med pa'i mtshan nyid legs par bshad pas thob pa'i gti mug spyod pa'i gter zhes bya'o/ /'di ltar gti mug gi spyod pa nyi khri chig stong dang / spyod
9a5 p a gzhan gtogs par brgyad khri bzhi stong du gyur ba de dag byang chub sems dpas yongs su spang ba'i phyir chos kyi sgo mo brgya stong du ma rab tu phye nas yang dag par ston pa gang yin pa 'di ni byang chub sems dpa'i gti
9a6 mug spyod pa'i gter ces bya'o/ /gzhan yang glog thob byang chub sems dpa' sems dpa' chen po rnams kyi cha mnyam pa'i spyod pa'i gter zhes bya ba ji lta bu yin zhe na/ 'di lta ste dper na me long gi dkyil 'khor
9a7 s hin du dag cing yongs su gsal ba dri ma med pa lam gyi bzhi mdor bzhag na gzugs brnyan rnams der snang zhing 'phel ba dang 'grib pa med kyang me long gi dkyil 'khor de bdag gis gzugs brnyan rnam pa sna
9a8 tshogs 'di dag ston par byed do zhes mi sems mod kyi/ 'on kyang me long gi dkyil 'khor de shin du legs par byi dor byas na gzugs brnyan gyi rnam pa thams cad rang gi ngang gis rab tu snang bar 'gyur ro/ /de
iiif viewer powered by OpenSeadragon
Texts on this page
J319 - 'phags pa glog thob kyis zhus pa zhes bya ba theg pa chen po'i mdo