| e-texts navigator |
| བོད་ཡིག |
7b1 rnam par dag pa yin na/ kye ma sems can 'di dag ni zhe sdang gi rjes su 'brangs nas yang dag pa ma yin pas rnam par rtog pa bskyed nas mnyam zhing rtsod pa med pa'i chos nyid 'di la zhe sdang gi bsam pa bskyed pas
7b2 sems can 'di dag chos kyi dbyings nyid ma rtogs par gyur to/ /gal te sems can 'di dag chos nyid mthong bar gyur na ni gzhan dag la gnod sems bskyed par mi 'gyur ba zhig na/ chos kyi dbyings kyi ngo bo nyid ma rtogs
7b3 pas de'i phyir zhe sdang skyes par gyur to zhes byang chub sems dpa' des zhe sdang mang ba'i sems can de dag la lhag par snying brtse ba bskyed nas snying rje chen po la gnas te/ sngon gyi smon lam yang yongs su rdzogs par byed
7b4 la/ rtsol ba med pa'i ye shes kyis sems can gyi zhe sdang gi spyod pa rnam par gzhig pa'i phyir chos kyi sgo mo rnam pa sna tshogs yang dag par ston par byed kyang bdag gis sems can gyi zhe sdang bsal ba'i phyir chos
7b5 bstan to snyam du mi sems so/ /de ci'i phyir zhe na/ byang chub sems dpas chos kyi dbyings kyi mtshan nyid shin du legs par rtogs pa'i phyir ro/ /'di ni byang chub sems dpa' chos kyi dbyings dbyer med pa'i mtshan
7b6 nyid la gnas nas nyon mongs pa'i spyod pa rab tu bsal ba zhes bya'o/ /glog thob 'di lta ste/ dper na mun pa bsal nas snang ba 'thob par 'gyur yang mun pa sel bar byed pa med de/ 'di ltar mun pa dang snang ba ngo bo nyid
7b7 nam mkha' dang mtshungs shing dbyer med pa yin no/ /de bzhin du byang chub sems dpa' yang chos kyi dbyings dbyer med pa'i ye shes de la brten nas thabs mkhas pas chos bstan te/ zhe sdang spyod pa'i sems can
7b8 rnam pa sna tshogs 'dul zhing zhi bar byed kyang chos kyi dbyings la tha dad du gyur ba med do/ /glog thob 'di lta ste dper na nyi ma'i dkyil 'khor shar nas 'od kyis gang dang gang du snang bar byas pa de dag thams cad ni nyi
iiif viewer powered by OpenSeadragon
Texts on this page
J319 - 'phags pa glog thob kyis zhus pa zhes bya ba theg pa chen po'i mdo