rKTs

e-texts navigator

Volume

Page

7a₁ par gyur pa/ sangs rgyas dang / chos dang / dge 'dun rjes su dran par ma gyur pa/ zhe sdang gi gdug pas g.yogs pas chos nyid la rmongs par gyur ba yin yang byang chub sems dpa' ni zhe
7a₂ sdang mang ba'i sems can de dag la nam yang gnod sems dang rnam par 'tshe ba skyed par mi byed kyi/ 'di snyam du kye ma sems can 'di dag ni gti mug gis rmongs pas chos rnams gzod ma nyid nas rab tu dben zhing zhi ba/
7a₃ dri ma dang rnyog pa med pa/ 'dum pa med pa/ rtsod pa med pa/ rab tu dben pa'i chos nyid la phyin ci log dang mtshungs par ldan par gyur ba'i dbang gis yang dag pa ma yin pa'i zhe sdang dang / 'khon du 'dzin pa rgyas par gyur
7a₄ to snyam du sems pa kho nar zad do/ /de snyam du bsams nas kyang snying rje chen po la gnas te rtag par bdag nyid 'gyod cing bshags par yang byed la/ gal te lus kyi yan lag dang nying lag gcod pa zhig yong na yang
7a₅ zhe sdang spyod pa'i sems can de dag 'dul bar 'dod pa'i phyir bzod pa la rab tu gnas par byed do/ /gal te zhe sdang spyod pa'i sems can tshad med pa de dag phan tshun gcig la gcig rgyab kyis phyogs shing zhe sdang dang /
7a₆ 'khon du 'dzin pa'i las yongs su rdzogs pa'i dbang gis sbrul gdug pa ngan 'gro'i lus su ltung bar gyur ba dag la ni byang chub sems dpa' bzod pa la rab tu gnas pa des 'di ltar byams pa dang / dran pa'i stobs
7a₇ kyis sems can de dag btul nas ngan 'gro'i rnam par smin pa len par mi 'gyur zhing / gdon mi za bar mnyam pa nyid rtogs par byed pa gang yin pa 'di ni byang chub sems dpa' thabs mkhas pas sems can
7a₈ gyi zhe sdang gi spyod pa yongs su bsal bar byed pa zhes bya'o/ /gzhan yang glog thob byang chub sems dpa' ni gal te sems can zhe sdang can dag mthong bar gyur na/ 'di snyam du chos thams cad ni rang bzhin gyis

_{iiif viewer powered by OpenSeadragon}

6b - 7b

Texts on this page