rKTs

e-texts navigator

Volume

Page

6a₁ sems dpa' de bdag gis chos bstan to/ /bstan par bya'o snyam du mi sems mod kyi/ 'on kyang rang gi ngang gis snying rje chen po'i bsam ba la gnas nas sems can rnams la so
6a₂ sor brtags te ci rigs par chos ston par byed do/ /gzhan yang glog thob 'di lta ste dper na brgya byin lha'i dbang po la lha'i bu mo khrag khrig phrag bcu gnyis yod pa de dag brgya byin lha'i dbang po'i rang dbang gi mthu'i dbang gis
6a₃ lus mang po bstan nas lha'i bu mo de dag de dang lhan cig 'dod pa'i bde ba yongs su rdzogs par myong bas de dag so so nas 'di snyam du bdag gcig pu ni/ deng lha'i dbang po dang lhan cig rtses so snyam du sems kyang
6a₄ yang dag par lha'i dbang po de la mngon par zhen par gyur ba ci yang med do/ /byang chub sems dpa' yang de bzhin du sems can gang yongs su bzla ba'i 'os su gyur ba de dag gi bsam pa ji lta ba bzhin du yongs
6a₅ su smin par byed kyang / byang chub sems dpa' la mngon par zhen par gyur ba med do/ /gzhan yang glog thob 'di lta ste dper na nyi ma'i dkyil 'khor ri mthon po'i rtse mo la shar ba'i tshe 'od kyis 'dzam bu'i gling
6a₆ kun du snang bar byed pas gang du snang bar byas pa'i gnas de dag tu kha dog sngon po dang / ser po dang / dmar po dang / dkar po rnams pa sna tshogs rab tu ston par byed kyang nyi ma'i dkyil 'khor de ni kha dog gcig
6a₇ pa/ 'od gcig pa nyid de tha dad pa'i mtshan ma med do/ /byang chub sems dpa' yang de bzhin du shes rab kyi nyi ma'i dkyil 'khor gyis chos kyi dbyings snang bar byas nas sems can gyi mngon par zhen pa'i
6a₈ ri'i rtse mo de dag tu shar ba na dmigs pa'i mtshan nyid gcig tu gyur cing de dag gi mos pa ji lta ba bzhin du chos ston par byed kyang / chos kyi dbyings la gnyis su gyur ba'i mtshan nyid med de/ glog thob 'di ni byang

_{iiif viewer powered by OpenSeadragon}

5b - 6b

Texts on this page