| e-texts navigator |
| བོད་ཡིག |
5b1 can de dag chos kyi dbyings rtogs par byas te mi snang bar 'gyur ro/ /bud med gang zhig skyes pa dag la 'dod chags kyi sems skyes par gyur na byang chub sems dpas skyes pa'i lus bstan nas 'dod chags
5b2 kyi dug mda' dbyung ba'i ched du chos bstan pa nyid kyis chos kyi dbyings la zhugs par byas nas mi snang bar byed de/ glog thob 'dod chags kyi spyod pa nyi khri chig stong dang / spyod pa gzhan de dag kyang gtogs
5b3 par brgyad khri bzhi stong du gyur ba de dag byang chub sems dpas rtsol ba med pa'i ye shes kyis chos kyi sgo mo bye ba stong phrag tshad med pa bskyed de/ sems can rnams kyi sems khong du chud par byas nas
5b4 thams cad rnam par grol bar gyur kyang bdag gis sems can dag la 'di lta bu'i chos bstan to snyam du sems pa yang med la/ sems can rnam par grol bar gyur ba yang mi dmigs so/ /glog thob 'di
5b5 lta ste dper na mtsho ma dros pa'i klu'i rgyal po ni las kyi mthu'i dbang gis de'i pho brang gi nang nas chu klung chen po bzhi byung nas sems can chu dang skam la gnas pa dag dbyar tsha ba'i dus kyi tshe bsil ba dang / rlan
5b6 gyis me tog dang / 'bras bu dag rgyas shing 'bru rnams 'phel bar gyur nas sems can mang po shin du bde bar byed kyang / klu'i rgyal po de bdag gis chu bo 'di dag phyung ngo / /dbyung bar bya'o snyam du mi sems
5b7 mod kyi/ 'on kyang chu klung bzhi po dag rtag tu 'bab cing sems can rnams nye bar spyod par byed do/ /byang chub sems dpa' yang de bzhin du sngon gyi smon lam yongs su rdzogs par gyur ba'i dbang gis
5b8 r tsol ba med pa'i ye shes kyis 'phags pa'i bden pa bzhi bstan nas 'khor ba'i yongs su gdung ba thams cad bsal te lha dang mi rnams la 'phags pa'i rnam par grol ba'i bde ba sbyin par byed kyang byang chub
iiif viewer powered by OpenSeadragon
Texts on this page
J319 - 'phags pa glog thob kyis zhus pa zhes bya ba theg pa chen po'i mdo