| e-texts navigator |
| བོད་ཡིག |
284b1 ye shes de skye bas rab tu phye ba lags sam/ 'on te zhi bas rab tu phye ba lags/ 'on te skye bas rab tu phye ba lags na ni tshul bzhin ma lags pa yid la bgyid pa
284b2 las byung ba 'dus byas su 'gyur te/ shes pa de ni byis pa rnams kyi lags so/ /ci ste zhi bas rab tu phye ba lags na ni de la dmigs pa ma mchis so/ /gang la dmigs pa ma mchis pa de la 'di ni so so'i skye
284b3 bo'o zhe 'am/ nyan thos so zhe 'am/ rang sangs rgyas so zhe 'am/ byang chub sems dpa'o zhe 'am/ sangs rgyas so zhes rnam par rtog pa mi skye'o/ /de ci'i slad du zhe na/ byang chub ni rnam par mi rtog pa lags na byis
284b4 pa so so'i skye bo rnams ni byang chub la rnam par rtog ste/ mkhas pa rnams ni mi rtog pa'i slad du'o/ /byang chub sems dpa' gom pa 'dor ba don yod kyang cang mi smra bar gyur to/ /de nas tshe dang ldan pa rab 'byor kyis
284b5 byang chub sems dpa' de dag la 'di skad ces smras so/ /bsod snyoms kyi phyir grong khyer du 'jug par mi bya'i slar 'dong ngo / /de ci'i phyir zhe na/ deng bu mo dri ma med kyis byin pa las chos thos pa gang yin pa 'di ni
284b6 mkhas pa'i zas yin pas chog par 'gyur ba'i phyir te/ chos kyi zas bza' bar bya'o/ /de nas bu mo dri ma med kyis byin pas gnas brtan rab 'byor la 'di skad ces smras so/ /btsun pa rab 'byor gang na gdeg
284b7 pa med pa dang / gzhag pa med pa de la ci zhig khyod kyis btsal bar sems/ btsun pa rab 'byor dge sbyong gi tshul ni spros pa ma mchis pa lags kyi spros pa la dga' ba'i ni ma lags so/ /btsun pa rab 'byor dge
284b8 sbyong gi chos ni gnas pa ma mchis pa/ gnas par mi bgyis pa lags te/ 'phags pa rnams kyi spyod yul ni mi 'khrugs pa lags so// // bam po gnyis pa ste tha ma/ de nas nyan thos chen
iiif viewer powered by OpenSeadragon
Texts on this page
J332 - 'phags pa dri ma med kyis byin pas zhus pa zhes bya ba theg pa chen po'i mdo