| e-texts navigator |
| བོད་ཡིག |
225a1 chung ma dang / bu dang / bu mo dang / bza' ba dang / btung ba dang / bgo ba dang / bzhon pa dang / mal cha dang / me tog dang / bdug pa dang / spos dang / phreng ba dang / byug pa rnams dang / yo byad thams cad kyi bar dag la
225a2 'dun pa dang / dga' ba dang / bdag gir byed pa dang / sred pa dang / gnas pa dang / zhen pa gang yin pa de dag thams cad spong ste/ de lus dang srog la mi lta'o/ /de bzhin nor dang / 'bru dang / khyim dang / chung ma dang / bu dang / bu
225a3 mo dang / bza' ba dang / btung ba dang / bgo pa dang / bzhon pa dang / mal cha dang / me tog dang / bdug pa dang / spos dang / phreng ba dang / byug pa rnams la mi lta bar pha rol tu phyin pa drug myur du yongs su rdzogs par byed do/ /
225a4 khyim bdag rnams byang chub sems dpa' sems dpa' chen po pha rol du phyin pa drug yongs su rdzogs nas myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /de nas bcom ldan
225a5 'das kyis lus rgya cher yongs su bstan pa'i phyir de'i tshe tshigs su bcad pa 'di dag bka' stsal to/ /mi rnyed shin du rnyed dka' rnyed pa la/ /lus kyi phyir ni sdig pa ma byed cig /'di ni dur khrod pa ste lce spyang
225a6 zas/ /lus kyi phyir ni ya ngar ma 'jug cig /g.yo ldan lus la sred pa bskyed nas ni/ /byis pa rtag tu rnam par rmongs te 'khyam/ /lus 'di byas pa mi gzo dngos yin pas/ /nyin dang mtshan du sdug bsngal tshor ba myong / /
225a7 rtag tu nang 'dra sdug bsngal 'khrul 'khor te/ /lus 'di ngan skyugs rnams dang mchil mas gang / /bkres dang skom pas rtag tu mngon par gtses/ /mkhas pa su zhig lus la sred pa skyed/ /lus ni sa gting 'dra
225a8 ste chog mi shes/ /gshed ma mi mdza' 'dra yang byis pas gos/ /lus kyi ched du sdig pa'i las kyang byed/ /de phyir de dag sdug bsngal tshor ba myong / /lus 'di rdo rje lta bur sra ma yin/ /lus kyi ched du sdig pa ma byed
iiif viewer powered by OpenSeadragon
Texts on this page
J327 - 'phags pa khyim bdag dpas byin gyis zhus pa zhes bya ba theg pa chen po'i mdo