rKTs

e-texts navigator

Volume

Page

221a₁ bya/ bdog pa thams cad yongs su gtang bar yongs su btang ba mang ba dang / rnam par smin pa la re ba med par bya/ tshul khrims rnam pa gsum yongs su dag par tshul khrims kyi sdom pa la gnas par bya/
221a₂ sems can thams cad kyis nyes pa byas pa la ji mi snyam par bzod pa dang des pa phun sum tshogs par bya/ lus dang srog la mi lta bar brtson 'grus kyi go cha chen po bgo bar bya/ rnam par mi g.yeng ba'i sems kyis sems
221a₃ rtse gcig tu bya/ bdag dang / sems can dang / srog dang / gso ba dang / skyes bu dang / gang zag dang / shes las skyes dang / shed bur lta ba dang bral bas shes rab kyis rnam par dpyad pa la mkhas par bya/ des sbyin pa
221a₄ sbyin na sems can thams cad yid la byas te sbyin pa sbyin par bya/ sems can thams cad yid la byas te tshul khrims bsrung bar bya/ sems can thams cad yid la byas te bzod pa bsgom par bya/ sems can
221a₅ thams cad yid la byas te brtson 'grus brtsam par bya/ sems can thams cad yid la byas te bsam gtan la mnyam par bzhag par bya/ sems can thams cad yid la byas te shes rab bsgom par bya/
221a₆ sems can thams cad yid la byas te thabs la mkhas pa bslab par bya'o/ /de nas khyim bdag dpas byin dang / khyim bdag lnga brgya tsam de dag gis bcom ldan 'das la 'di skad ces gsol to/ /bcom ldan
221a₇ 'das bdag cag ni lus la lta zhing gnas pa lags/ srog la lta zhing gnas pa lags/ de bzhin du nor dang / 'bru dang / khyim dang / chung ma dang / bu dang / bu mo rnams la lta zhing gnas pa lags/ bza' ba dang /
221a₈ btung ba dang / bgo ba dang / bzhon pa dang / mal cha dang / me tog dang / spos dang / bdug pa dang / phreng ba dang / byug pa rnams la lta zhing gnas pa lags/ yo byad thams cad la lta zhing gnas pa lags na/ bcom

_{iiif viewer powered by OpenSeadragon}

220b - 221b

Texts on this page