| e-texts navigator |
| བོད་ཡིག |
218b1 zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed
218b2 kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po thams cad kyang dgra bcom pa/ zag pa zag pa/ nyon mongs pa med pa/ dbang dang ldan par
218b3 gyur pa/ sems shin du rnam par grol ba/ shes rab shin du rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun du sbyor ba
218b4 yongs su zad pa/ yang dag pa'i shes pas sems shin du rnam par grol ba/ sems kyi dbang thams cad kyi dam pa'i pha rol du son pa/ mngon par shes pa mngon par shes pa sha stag ste/ gang zag gcig ma
218b5 gtogs pa ni 'di lta ste/ tshe dang ldan pa kun dga' bo'o/ /byang chub sems dpa' lnga brgya thams cad kyang / gzungs thob pa/ ting nge 'dzin thob pa sha stag dang thabs gcig tu bzhugs te/ de'i tshe grong
218b6 khyer chen po mnyan yod na khyim bdag dpas byin zhes bya ba phyug pa/ nor che ba/ bdag dbang ba mang ba/ nor dang yo byad mang ba/ nor dang / 'bru dang / mdzod dang / bang ba'i tshogs mang ba/ glang po che dang /
218b7 rta dang / rnga mo dang / ra lug dang / ba lang mang ba/ bran pho dang / bran mo dang / las byed pa dang / zho shas 'tsho ba mang ba/ dbyig dang / gser dang / nor bu dang / mu tig dang / bai dU r+ya dang / dung dang / man shel dang /
218b8 byi ru dang / sa le sbram dang / dngul mang ba zhig gnas pa de khyim bdag lnga brgya tsam dang lhan cig tu 'dus te 'dug par gyur to/ /de dag 'dus te 'khod pa'i tshe bar skabs su 'di lta bu'i gtam rjod de/ kye grogs po
iiif viewer powered by OpenSeadragon
Texts on this page
J327 - 'phags pa khyim bdag dpas byin gyis zhus pa zhes bya ba theg pa chen po'i mdo