rKTs

e-texts navigator

Volume

Page

215b₁ nas lha'i dbang po brgya byin gyis lha'i bu de dag la 'di skad ces smras so/ /grogs po dag 'di la brnyas par ma byed cig /rigs kyi bu 'di yon tan gyi che ba nyid ji snyed pa dang ldan pa de ni kho bo'i mngon sum du gyur to/ /
215b₂ grogs po dag khyed re shig sdod cig dang / rigs kyi bu 'di'i yon tan gyi bkod pa mthong bar 'gyur ro/ /de nas rigs kyi bu des pas lha'i bu de dag gi bsam pa rtogs nas bcom ldan 'das la 'di skad ces gsol to/ /
215b₃ bcom ldan 'das byang chub sems dpa' rnams kyi sems can yongs su smin par bgyi ba'i bkod pa'i thabs dang / ye shes kyi bkod pa'i thabs bcom ldan 'das kyis bshad du gsol/ /de nas bcom
215b₄ ldan 'das kyis sku las 'od phyung ste/ 'od des des pa'i lus la reg nas lha'i dbang po brgya byin gyi gzugs kyi lus yongs su grub pa ci 'dra ba de las 'bum gyur bas kyang ches lhag par gyur to/ /de nas
215b₅ lha'i bu de dag ya mtshan du 'dzin par gyur te/ des pa la me tog dag gis gtor to/ /de nas bcom ldan 'das kyis rigs kyi bu des pa la bka' stsal pa/ des pa gang gi tshe byang chub sems dpa' rdo rje lta bu'i
215b₆ m thu la gnas pa'i tshe yang sems can yongs su smin par bya ba'i phyir dman par ston cing dman pa'i mthu la gnas kyang sems can yongs su smin par bya ba'i phyir mchog tu ston par byed pa 'di ni de'i bkod pa yin
215b₇ no/ /ye shes la gnas kyang mi shes par ston cing mi shes par ston kyang shes par snang ba 'di ni de'i bkod pa yin no/ /ye shes ma thob pa rnams la yang lus kyi spyod pa dang / spyod lam gyi dad pa skyed par byed
215b₈ cing ye shes thob pa rnams la yang spyod pa thams cad yang dag par ston pas rdzu 'phrul ston par byed pa 'di ni de'i bkod pa yin no/ /rtag tu sems la dbang byed pas ngan cing dbul bar ston kyang tshangs pas kyang mchod

_{iiif viewer powered by OpenSeadragon}

215a - 216a

Texts on this page