| e-texts navigator |
| བོད་ཡིག |
214a1 'di rnams ni ji ltar bya/ des pas smras pa/ rgyal po chen po sems can dbul po gcer bu gos ma mchis pa gang lags pa de dag la stsol cig /rgyal pos des pa de ltar bya'o zhes smras nas rgyal po'i mi'i rnams
214a2 la bsgo ste/ de dag gis kyang ji skad bsgo ba bzhin du byas so/ /ras bcos bu zung de dag dbul po de dag gis bgos ma thag tu 'di snyam du sems bskyed de/ bdag gis des pa la ji ltar lan glan par bya snyam pa las
214a3 sangs rgyas kyi byin gyis brlabs dang / des pa'i smon lam gyi stobs kyis de dag gis bar snang las tshigs su bcad pa 'di dag thos so/ /'dod pa bzhin du lan ni glan bya ba/ /me tog dang ni spos dang byug pa dang / /zas skom
214a4 nor rnams kyis kyang mi nus te/ /byang chub sems kyis des pa dga' bar 'gyur/ /des pa zas dang gos 'dod ma yin te/ /rnyed dang bkur sti grags pa 'dod ma yin/ /des pa byang chub sems las chos 'dod de/ /byang chub sems
214a5 kyis des pa dga' ba skye/ /de nas dus gzhan zhig na rigs kyi bu des pa dang / rgyal po gsal rgyal btsun mo'i 'khor dang bcas/ blon po dang bcas 'khor dang bcas pa dang / mnyan yod kyi skyes pa dang / bud med dang /
214a6 khye'u dang / bu mo dang / srog chags brgya phrag mang po dag bcom ldan 'das blta ba'i phyir dong ngo / /de nas mnyan yod dang rgyal bu rgyal byed kyi tshal gyi bar du lha'i dbang po brgya byin gyis 'khor gyi khyams chen po bkra ba blta na
214a7 sdug pa yangs shing mtho la rgyan thams cad kyis brgyan pa 'di lta ste dper na sum bcu rtsa gsum gyi lha rnams kyi khang bzangs rnam par rgyal ba lta bu zhig sprul te/ dbus su shing yongs 'du sa brtol sprul to/ /yongs
214a8 'du sa brtol gyi drung du yang bcom ldan 'das kyi gdan seng ge khri bkra ba blta na sdug cing chu zheng gab pa la lha'i ras bcos bu brgya stong du ma bting ba mngon par sprul to/ /byang chub sems dpa' rnams kyi stan drug
iiif viewer powered by OpenSeadragon
Texts on this page
J326 - 'phags pa nges pas zhus pa zhes bya ba theg pa chen po'i mdo