rKTs

e-texts navigator

Volume

Page

212a₁ dag pa dang / srog med pa'i phyir srog rnam par dag pa dang / gang zag med pa'i phyir gang zag rnam par dag pa ste/ bzhi po de dag dang ldan na de bzhin gshegs pa legs par mthong ba yin no/ /gzhan
212a₂ yang bzhi ste/ lha'i mig mngon par 'du byed pa dang / shes rab kyi mig kun du sbyong ba dang / chos kyi mig gis so sor rtog pa dang / sangs rgyas kyi spyan rjes su rtogs par byed pa ste/ bzhi po de dag dang ldan na de bzhin
212a₃ gshegs pa legs par mthong ba yin no/ /gzhan yang bzhi ste/ chos thams cad mi dmigs pa'i phyir tshul khrims kyi phung po yongs su dag pa dang / chos thams cad mnyam pa nyid kyi phyir ting nge 'dzin gyi phung po yongs
212a₄ su dag pa dang / 'jig rten las 'das pa'i ye shes khong du chud pa'i phyir shes rab kyi phung po yongs su dag pa dang / de'i rnam par grol ba mthong ba'i phyir rnam par grol ba'i ye shes mthong ba'i phung po yongs su dag
212a₅ pa ste/ des pa rigs kyi bu chos bzhi po de dang ldan na de bzhin gshegs pa legs par mthong ba yin no/ /de nas bcom ldan 'das kyis skye bo'i tshogs chen po de dag chos kyi gtam gyis yang dag par
212a₆ dga' bar mdzad nas dang pa'i rgyal po ltar 'khor dang bcas te bar snang la gshegs so/ /de nas ko sa la'i rgyal po gsal rgyal gyis rigs kyi bu des pa la 'di skad ces smras so/ /des pa khyod nam de bzhin
212a₇ gshegs pa la ltar 'gro ba de'i tshe kho bo la yang sbron cig dang / kho bo yang de bzhin gshegs pa la ltar 'gro'o/ /des pas smras pa/ rgyal po chen po de ltar bgyi'o/ /bdag ni khyod bud med dang /
212a₈ gzhon nu dang / blon po la sogs pa'i 'khor dang bcas te de bzhin gshegs pa la gzigs su gshegs par 'tshal lo/ /rgyal po chen po byang chub sems dpa' rnams ni bdag gcig pu la phan

_{iiif viewer powered by OpenSeadragon}

211b - 212b

Texts on this page