| e-texts navigator |
| བོད་ཡིག |
211b1 'gal bar byed pa yin/ /de nas bcom ldan 'das la rigs kyi bu des pas 'di skad ces gsol to/ /bcom ldan 'das skye bo'i tshogs chen po 'dus pa 'di ni bcom ldan 'das la lta bas chog ma 'tshal ba lags na bcom
211b2 ldan 'das de'i slad du ci nas 'di dag gis de bzhin gshegs pa mthong ba don mchis par 'gyur ba de lta de ltar 'di dag la legs par chos bstan du gsol/ bcom ldan 'das kyis bka' stsal pa/ des pa rigs kyi
211b3 bu chos bzhi dang ldan na de bzhin gshegs pa legs par mthong ba yin no/ /bzhi gang zhe na/ yid ches pa dang / dad pa dang / phangs par 'dzin pa dang / gus pa ste/ chos bzhi po de dag dang ldan na de bzhin gshegs
211b4 pa legs par mthong ba yin no/ /gzhan yang bzhi ste/ de bzhin gshegs pa'i gzugs kyi sku mthong na bdag kyang 'di 'dra bar gyur cig ces bla na med pa yang dag par rdzogs pa'i byang chub tu sems bskyed pa dang
211b5 de bzhin gshegs pa ni slu bar mi mdzad pa'i phyir lhag pa'i bsam pa yongs su dag par sems bskyed pa dang / sems can thams cad ston cing cher na rab tu grol bar bya ba'i phyir yang sems de bskyed pa dang /
211b6 dkon mchog gsum gyi gdung mi 'chad par bya ba'i phyir dam pa'i chos yongs su gzung bar yang sems de bskyed pa ste/ bzhi po de dag dang ldan na de bzhin gshegs pa legs par mthong ba yin no/ /gzhan yang
211b7 bzhi ste/ gzugs dben par mthong ba dang / tshor ba dang / 'du shes dang / 'du byed dang / rnam par shes pa dben par mthong ba dang / khams bzhi nam mkha' dang 'dra bar mthong ba dang / skye mched grong stong pa lta bur
211b8 mthong ba ste/ bzhi po de dag dang ldan na de bzhin gshegs pa legs par mthong ba yin no/ /gzhan yang bzhi ste/ bdag med pa'i phyir bdag rnam par dag pa dang / sems can med pa'i phyir sems can rnam par
iiif viewer powered by OpenSeadragon
Texts on this page
J326 - 'phags pa nges pas zhus pa zhes bya ba theg pa chen po'i mdo