| e-texts navigator |
| བོད་ཡིག |
211a1 can ji snyed pa de dag 'di ltar khyod dang 'dra bar nor dang ldan par gyur kyang de dag ni des pas gom pa bdun bor ba'i bar gyi tshul khrims dang / thos pa dang / brtul zhugs dang / dka' thub dang / bag yod pa'i
211a2 bsod nams kyi phung po'i brgya'i char yang mi phod pa nas dpe'i bar du yang mi bzod do/ /gsal rgyal gyis gsol ba/ bcom ldan 'das bdag cag gi yul na sems can yon tan gyi che ba nyid 'di lta bu dang ldan pa bdag gnas pa
211a3 ni bdag gis rnyed pa legs par rnyed lags so/ /bcom ldan 'das kyis bka' stsal pa/ rgyal po chen po khyod kyi yul na sems can yon tan gyi che ba nyid 'di lta bu dang ldan pa dag mang du gnas so/ /de nas rgyal po gsal
211a4 rgyal gyis des pa la tshigs su bcad de smras pa/ khyod kyis glengs pas kho bo'i nga rgyal nges bcom phyir/ /des pa khyod ni kho bo'i ston pa gnyis pa ste/ /rgyal srid 'di kun khyod sbyin kho bo dpung dang bcas/ /khyod kyi slob ma
211a5 yin gyis khyod kyis bdag slobs shig / kho bo yun ring dag tu nga rgyal gyis kyang bslus/ /sdig pa'i grogs po dag gis bskor cing bzung ba las/ /des pa khyod nyid las ni chos 'di thos pas na/ /rab tu bsdams
211a6 te kho bos chos bzhin spyad par bya/ /khyim na gnas pa brgya phrag lnga po 'di dag ni/ /nor gyi ched du kho bos go rar bcug pa ste/ /kho bos thams cad btang gis bde bar 'khod par gyis/ /phyin cad 'di
211a7 'dra ba dag kho bo yong mi bgyid/ /lnga brgya btang bar gyur ba gang yin de dag kyang / /des pa la ni zhes legs par bskyed nas kyang / /sems ni skyo bar gyur cing ci la'ang mi lta bar/ /bde ba thams cad
211a8 mkhyen pa nyid du smon lam btab/ /nga ni dbul ba ma yin khyod ni dbul po zhes/ /des pa khyod kyis tshig 'di legs par smras pa ste/ /des pa la ni gang zhig dbul po zhes brjod pa/ /mi de rgyal po'i khrims dang
iiif viewer powered by OpenSeadragon
Texts on this page
J326 - 'phags pa nges pas zhus pa zhes bya ba theg pa chen po'i mdo