| e-texts navigator |
| བོད་ཡིག |
209b1 'di na nyi ma zla ba 'di dag mkha' la mthar gyis rgyu bas chog ma 'tshal/ /rgyal po brkam phyir rtag tu longs spyod dag gis chog mi mkhyen pas brlag par 'gyur/ /zhugs ni gum par gyur bas rtswa mang dag gis slar yang 'bar bar
209b2 yod mi bgyid/ /de bzhin mkhas pa shes rab chog par mi 'dzin nyon mongs rnams kyis 'bar mi bgyid/ /chu yi thigs pa bzhin du rgyal srid dag kyang mi brtan 'jig par rab phyogs na/ /gnod pa'i rtsa bar gyur cing dge ba
209b3 'joms pa'i rgyal srid de ni su zhig 'tshal/ /de nas rgyal po gsal rgyal sems 'khrugs nas grong khyer gyi dbul po des pa la 'di skad ces smras so/ /des pa de ltar nga ni dbul la khyod ni phyug par khyod la dpang su yod/
209b4 des pas smras pa/ lha de bzhin gshegs pa dgra bcom pa yang dag par rdzogs pa'i sangs rgyas mnyan yod 'di na bzhugs pa khyod kyis ma gsan tam/ rgyal pos smras pa/ ngas mthong yang ma mthong ngo / /des pas
209b5 smras pa/ lha de ni lha dang bcas pa'i 'jig rten gyi mig tu gyur cing tshad mar gyur ba ste/ de ni bdag gi dpang lags so/ /rgyal pos smras pa/ song la de bzhin gshegs pa de spyan drongs shig dang des ji skad du lung bstan pa de
209b6 bzhin du ngas gzung bar bya'o/ /des pas smras pa/ ston pa de la ngan bu'am/ pho nya gzhan gtang 'os ma lags/ /'dir ni bdag gis bsam bgyis na/ /de mkhyen nas ni gshegs par 'gyur/ /'jig rten 'di 'am pha
209b7 rol la/ /de ni mi mkhyen cang mi mnga'/ /thugs kyis bsam pa mkhyen nas kyang / /'dren pa de ni gshegs par 'gyur/ /sems can rnams la thugs brtse bas/ /de la nga rgyal skyon mi mnga'/ /sems can rnams la
209b8 legs dgongs pas/ /shin du ring du'ang gshegs 'gyur gyis/ /rgyal chen bdag gis gsol ba la/ /da ni legs par thugs ches mdzod/ /gang gis ston pa 'dir gshegs pa'i/ /bden pa'i byin brlabs bgyi bar
iiif viewer powered by OpenSeadragon
Texts on this page
J326 - 'phags pa nges pas zhus pa zhes bya ba theg pa chen po'i mdo